ایران تشقی ایشلر وزیری سیدعباس عراقچینینگ اعلام قیلیشیچه، امریکا ایران گه قرشی حربی حرکتنی «سینب کورگنی» صورتده، تهراننینگ اوروشگه بوتونلی شکلده تیارگرلیگی بار.
عراقچی، بو بیاناتنی «الجزیره عرب» بیلن اوتکزگن مخصوص صحبتلریده و امریکا جمهور باشلیغی دونالد ترامپنینگ سونگی تهدیدلریگه جواب اولهراق بیان قیلگن.
ایران تشقی ایشلر وزیرینینگ ایتیشیچه، تهران و واشینگتن آرهسیدهگی علاقه کاناللری حاضرگچه آچیق دیر؛ بیراق ایران «برچه حرکتلر اوچون تیار بولیب» و حاضر اوتگن ییلدهگی ۱۲ کونلیک اوروشگه نسبت «کینگ کولملی حربی تیارگرلیککه» ایگه دیر.
عراقچینینگ اورغولشیچه، ایران هستهای مذاکرهلر میزیگه قیتیشگه تیار دیر، لیکن مذکور مذاکرهلر تهدیدسیز، باسیمسیز همده «عدالت و انصاف اساسیده» بولیب اوتیشی شرط.
مذکور بیانات شوندهی بیرحالده بیان بولگن که، ایران دولتی ییتکرمهلری گزارشی اساسیده سونگی اعتراضلر نتیجهسیده، بو مملکت خوفسیزلیک کوچلریدن ۱۰۰ دن آرتیغی اولگن.
اقتصادی قیینچیلیکلر بیلن باشلنگن ایران دهگی عمومی ناراضلیک نمایشلر، اساسی اوزگریشلر اوچون کینگراق طلبلرنینگ کوچهیشیگه آلیب کیلگن.
بوندن آلدین ترامپ، واشینگتن ایچکی اعتراضچیلر بیلن ایراننینگ یاندهشوو طرزیگه قرشی حربی اقدام شامل «کوچلی یوللر» نی تیکشیرماقده، دیگن.
