خلق‌ارا سوو کونی مناسبتی بیلن افغانستان ده بیرلشگن ملت‌لر تشکیلاتی ترقیاتی دستوری نینگ اعلام قیلیشیچه، اوتگن میلادی ییل افغانستان ده عایلهلردن ۶۷ فایزی قوروقچیلیک سبب، قیینچیلیک بیلن روپه‌ره بولگن.
مذکور نهاد اوز ایکس صحیفه‌سیده یازیشیچه، عایلهلردن ۱۶ فایزی «سوو تاشقینی» تاثیری آستیده قرار تاپگن.
بیزلرنینگ فیسبوک صحیفه‌میزگه باش اورینگ!
بیرلشگن ملت‌لر تشکیلاتی ترقیاتی دستوری نینگ کوپه‌یتیریشیچه، مذکور نهاد یاردمی بیلن حاضر ایسه تورت میلیون ۴۰۰ مینگ افغانستان‌لیک یشاوچی سوو، ساغلیق امکانیت، مکتب و شاشلینچ باش‌پنه‌دن فایده‌لنیش امکانیتی گه ایگه دیر.
۲۲-مارچ، ۱۹۹۲-ییل‌ده بیرلشگن ملت‌لر تشکیلاتی آرقه‌لی خلق‌ارا سوو کونی اوله‌راق تعیین‌لنگن.
بیزلرنینگ «ایکس» ترماغی ده هم تعقیب قیلینگ!
افغانستان دنیا ده هوا اوزگریشی‌دن تاثیرلنگن آلتینچی مملکت بولیب، کیت‌مه-کیت اوچ ییل‌دن بیری قتیق قوروقچیلیک نی تجربه قیله‌دی.
ایتیش کیره‌ک که، بوندن آلدین هم نیچه خلق‌ارا تشکیلات افغانستان ده قوروق‌چیلیک‌لر دوامی عاقبتلری خصوصیده آگاه‌لنتیرگن ایدی.
