سونگی کونلرده خلق‌ارا آزیق_آوقات دستوری نینگ یاردم‌لری پاکستان یولی آرقه‌لی افغانستان گه یوباریلیشی کوتیلر ایدی، توخته‌تیلیشی ایتیلگن. خلق‌ارا آزیق_آوقات دستوری نینگ مطبوعاتی مسئولی وحیدالله امانی نینگ سلام‌وطندار گه ایتیشیچه، مذکور نهاد نینگ یاردم‌لری حاضرگه قدر توختمه‌گن. لیکن او کیله‌سی کونلرده افغانستان نینگ آب و هواسی وضعیتیدن تشویش ده دیر.
خلق‌ارا آزیق_آوقات دستوری نینگ مطبوعاتی مسئولی گه کوره، کیله‌سی کونلرده کوپراق سوو تاشقین‌لری یوز بیرگن تقدیرده، اوشبو نهاد ایریم قیینچیلیکلر بیلن روپه‌ره بولیشی ممکن.
بیزلرنینگ فیسبوک صحیفه‌میزگه باش اورینگ!
اونینگ ایتیشیچه: «کیله‌سی کونلرده آب و هوا وضعتیدن خواطرده من، یامغیر یاغیب و سوو تاشقینی یوز بیرگن تقدیرده بیزنی قیینچیلیککه روپه‌ره قیله‌دی.»
افغانستان ده خلق‌ارا آزیق_آوقات دستوری گه کوره، پاکستان یولی توسیلگن تقدیرده، افغانستان نینگ شمالی ولایت‌لریدن اوز یاردم‌لرینی انتقال بیره‌‍دیلر.
برچه‌سی بیلن، حاضرگی سرپرست حکومت افغانستان یشاوچیلری نینگ انسان پرورلیک یاردم‌لر گه محتاج ایکنلیکلرینی بیلدیریب، وقتیده یاردم کورسه‌تیلیشینی سوره‌یدیلر.
سلام‌وطندار بیلن صحبت اوتکزگن اسلامی امارت سرپرست حکومتی سوزلاوچیسی نینگ اورین باسرلریدن بلال کریمی گه کوره: «اسلامی امارت محتاج کیشی‌لر گه یاردم بیریلیش شرایطینی یره‌تیش گه تیار دیر، هیچ نرسه یاردم‌لر گه توسیق بولمه‌ی و یاردم‌لر وقتیده توزیع بولیشی کیره‌ک.»
بیر ییل دن بویان، افغانستان خلقی نینگ قطار یشاوچیلری مثل‌سیز درجه ده اقتصادی بحران بیلن روپه‌ره بولیب و تیریک قالیش اوچون انسان پرورلیک یاردم‌لر گه محتاج‌لر.
اقتصادی ایش بیلرمان ظاهر بهزاد نینگ ایتیشیچه: «ییگولیک یاردم‌لر کیسیلگن حالده، قشاق و کمبغل عایله‌لر اقتصادی قیینچیلیکلر بیلن روپه‌ره بولیب و باله‌لر توییب آوقاتلنمسلیککه چلینیش‌لری ممکن.»
اقتصادی ایش بیلرمان‌لردن باشقه بیری لال زازی گه کوره: «ایش‌سیزلیک اوز اوجی گه ایتگن و آدم‌لر کوپراق یاردم گه محتاج دیر، یاردم بیرووچی نهادلر و خلق‌ارا تشکیلات‌لر اوز یاردم‌لری گه دوام بیریشی کیره‌ک.»
بیزلرنینگ توییترده هم تعقیب قیلینگ!
خلق‌ارا آزیق_آوقات دستوری، افغانستان خلقی گه یاردم بیره‌دیگن مالی یاردم‌لرینی ۹۶۰ میلیون دالر اعلام قیلگن.
افغانستان ده خلق‌ارا آزیق_آوقات دستوری نینگ مطبوعاتی مسئولی وحیدالله امانی گه کوره، مذکور نهاد قیش موسومی ییتیب کیلمسدن آلدین اوزاق منطقه‌لرگه اوز یاردم‌لرینی ییتکیزیش و توزیع قیلیش اوچون ۱۷۰ میلیون دالر گه نیازمند بولیب و ۱۵۰ مینگ تن ییگولیک ماده نی تیزلیک بیلن ذخیره قیلیشی کیره‌ک.