اسلامی امارت نینگ بیر هیأتی سویس پایتختی ژنواده غیردولتی بیر تشکیلات میزبانلیگی‌‌ده یولگه قویلگن بیر ییغین‌ده اشتراک قیلیش اوچون، مذکور مملکت گه کیتگن. اوشبو ییغین دوشنبه کونیدن جمعه‌گچه یاپیق دروازه‌لر نینگ آرقه‌سیده یولگه قویلیشی گه کوتیله‌دی.
سویس رسانه‌لری تشقی ایشلر وزیرلیگیدن نقل قیلیب گزارش بیریشلریچه، مدافعه وزیرلیگی نینگ صفلرنی تازه‌لش کمیسیون رئیسی لطیف‌الله حکیمی، ژنواده مذکور ۱۰ کیشیلیک هیأت نی رهبری قیله‌دی.
بیزلرنینگ فیسبوک صحیفه‌میزگه باش اورینگ!
اوشبو هیأت بیر هفته‌گچه غیردولتی، یاردم بیرووچی تشکیلات‌لر، سویس و اروپا بیرقطار رسمی‌لری بیلن اوچره‌شوولری ممکن.
انسانی حقوقی گه حرمت قیلیش، انسان‌دوستلیک یاردم‌لر، تینچ اهالی و یاردم‌بیرووچیلر و باله‌لردن حفاظت قیلیش، اوشبو ییغین‌ده بحث گه آلینه دیگن موضوعلردن بیری دیلگن.
بیراق سویس تشقی ایشلر وزیرلیگی نینگ اورغولشیچه، اوشبو اوچره‌شوولر اسلامی امارت نینگ رسمیت گه تانیش معناسی‌ده ایمس.
بیزلرنینگ توییترده هم تعقیب قیلینگ!
شونینگدیک اوشبو وزیرلیگی نینگ کوپه‌یتیریشیچه، اوروش‌لر، کووید ۱۹ نینگ چیقگنی و اونینگ اقتصادی و اجتماعی پیامدلری و شونینگدیک قیش موسومی‌ده آب‌وهوا وضعیتی باعث، افغانستان یامان بیر وضعیت‌ده قرار تاپگن و اوشبو وضعیت نی حل قیلیش اوچون، اسلامی امارت بو ییغین گه دعوت بولگن.
اسلامی امارت رسمی‌لری حاضرگچه بو ییغین حقیده هیچ بیر نرسه دیمه‌گن.
