داعش گروهی اینیقسه اوشبو گروه نینگ خراسان بولیمی تهدیدلریدن خواطر بیلدیریلماقده اېکن، افغانستانده بو گروه نینگ فعالیتلری گه دایر تنقیدلر و ادعالر اوج آلگن.
شو بیلن بیرگه، اسلام امیرلیگی افغانستانده داعش تهدیدلری گه دایر خواطرلر گه مناسبت بیلدیریب ایتیشیچه، امریکا افغانستانده داعش تهدیدلرینی سقلش گه تلاش قیلماقده دیر.
اسلام امیرلیگی سۉزلاوچیسی ذبیحالله مجاهد گه کوره، امریکا افغانستانده حضوری زمانیده بو ایشگه قول اۉرگندی و حاضر افغانستانده داعش تهدیدلرینی سقلب و اوندن ریکلام اولهراق قوللنیش مقصدیده تلاش قیلماقده.
بیزلرنینگ فیسبوک صحیفهمیزگه باش اورینگ!
مجاهد نینگ کوپهیتیریشیچه: «امریکالیکلر افغانستانده حضوری زمانیده داعش نی بیر تور قۉللب-قوتلب و تهدیدلرینی سقلش گه تلاش قیلر اېدیلر؛ حاضر داعش یوق اېتیلماقده اېکن امریکالیکلر داعش تهدیدلرینی سقلب و اوندن ریکلام اولهراق قۉللنیش گه تلاش قیلماقدهلر.»
برچهسی بیلن، افغانستانده داعش حضوری و فعالیتی گه دایر خواطرلر دوام اېتماقده اېکن، ینگیلیکده امریکا مرکزی قوماندانلیگی نینگ (سنتکام) باشلیغی، افغانستانده داعش کوچلنهیاتگنیدن خواطر بیلدیرگن.
امریکا نینگ اوشبو سابق حربی رسمیسی «ایبیسی نیوز» بیلن اۉتگزگن صحبتیده داعش گه قرشی کورهش و تهدیدلرینی آلدینی آلیش اوچون افغانستانده امریکا نینگ حضوری نیاز اېکنلیگینی تاکیدلهگن.
بیزلرنینگ «ایکس» ترماغی ده هم تعقیب قیلینگ!
سرپرست حکومت سۉزلاوچیسی ذبیحالله مجاهد، اسلام امیرلیگی نینگ داعش و باشقه گروهلر گه قرشی کورهش اوچون جدی اېکنلیگیدن ایشانچ بیریب ایتیشیچه، افغانستانده داعش حضوری «بیر دن ایکّی فایز» گچه کمهیگن و یوق اېتیلماقده دیر.
اونگه کوره: «افغانستانده داعش امریکالیکلر نینگ حضوری بولگن زمان گه نسبتن حاضر هېچ تهدید اېمس، حاضر سېزیلرلی درجه ده مغلوب بولیب و اېنگیلگن بیر یا که ایکّی فایز گه کمهیگن.»
باشقه تاماندن، امریکا سابق جمهور باشلیغی دونالد ترامپ نینگ سابق دستیاری کریستوفر کوستا، نیویارک تایمز ده ترقهلگن مقالهده، داعش نی یوق اېتیش اوچون امریکا حکومتی اسلام امیرلیگی بیلن استخباراتی همکارلیگی بولیشینی تکلیف قیلگن.