اولکه بویلب سیاسی اوزگریشدن ۱۵ آی دن کوپ اوتهیاتگن بولسه ده، بیراق کوپلب ایش اورینلری نینگ فعالیتی توختهگن و بونگه قوشیمچه، اسلام امیرلیگی تامانیدن مینگلب کیشی لوازملریدن بوشهتیلگن.
اوتگن بیر ییل ده اوز بولیملریده مسکلی بولیب، عالی درجه ده تحصیل کورگن و نیچه ییللیک تجربه گه ایگه کیشیلر، کوپراق لوازملریدن بوشهتیلگن و عیاللر ایسه اوشبو ایشسیزلیکلر نینگ اساسی قسمینی تشکیل بیرهدی.
مذکور عیاللردن ناجیه خروتی، انجنیرلیک ماستری و چمهسی ۲۵ ییل تجربه گه ایگه ایتیشیچه، بوندن آلدین دولت و ترقیاتی ادارهلرده یوقاری لوازملرده ایشلهگن، لیکن بیر ییل دن بویان اوی ده بیکار دیر.
اونینگ ایتیشیچه: «مین کبی عیاللر نینگ احوالی جوده هم یامان دیر، شونینگدیک روحی و پسیکولوژیک نقطهی نظردن ایریم قیینچیلیکلر بیلن روپهره میز، بیز اینگ یخشی عمریمیز وقتینی تعلیم، اهالی و جمعیت گه خدمت قیلیشگه اوتکزدیک.»
بیزلرنینگ فیسبوک صحیفهمیزگه باش اورینگ!
اولکه ده سونگی سیاسی اوزگریش باعث، بیر ییل دن بویان ایشسیز بولگنلردن باشقه بیری محمداعظم اصغری دیر.
او ییللر بویلب میدیا گه ایشلهگن ایتیشیچه، حاضرگی ایشسیزلیک شرایطیده تیریکچیلیک قیلیش جوده هم قیین دیر و قیش موسومی ییتیب کیلیشی، اولر نینگ قیینچلیکلری و خواطرلرینی کوپهیتیرگن.
محمد اعظم اصغر گه کوره: «حاضر فرزندلریم گه بیر لقمه حلال نان تاپیش اوچون ایش قیدیرهیپمن، خشت ایشلب چیقریش، لای قیلیش و هیداوچیلیک بولسه هم فرق ایتمهیدی، نیچه مدت تکسی هیداوچیلیک قیلدیم، بیراق مسلکیم ایمسلیگی اوچون اولگوره آلمهدیم، حقیقتن هم ایش لوازملریدن بوشهتیلگنلر کوپ قیینچیلیکلر بیلن روپهره بولگنلر.»
عینحالده، اقتصاد وزیرلیگی اولکه بویلب ایشسیزلر سانی کوپهیشینی تصدیقلهیدی.
اقتصاد وزیرلیگی گه قوشیمچه، مرکزی احصائیه ادارهسی، ایش و اجتماعی ایشلر وزیرلیگی، مملکتده ایشسیزلر سانی حقیده سلاموطندار گه انیق معلومات بیرمهیدیلر.
اقتصاد وزیرلیگی سوزلاوچیسی عبدالرحمن حبیب، اولکه ده ایشسیزلر سانی کوپهیش عاملینی، اوتمیشدهگی برنامهسیزلیک، بانکی تیزیملر گه یرهتیلگن چیکلاولر و افغانستان سرمایهلری توسیلیشی و افغانستان ده دنیا همجمعیت نینگ انسان پرورلیک یاردملری کیسیلیشی عنوان قیلهدی.
بیزلرنینگ توییترده هم تعقیب قیلینگ!
اقتصاد وزیرلیگی سوزلاوچیسی نینگ ایشانچی گه کوره، اسلام امیرلیگی قوشتیپه کانالی کبی پروژهلرنی تطبیق ایتیش بیلن، ایش فرصتلرینی یرهتماقده دیر. اونینگ کوپهیتیریشیچه: «۱۳۹۵_ییل مرکزی احصائیه ریاستی نینگ تیکشیروی دن حاضرگچه بوتوغریده انیق معلومات ترقلمهگن، لیکن معلوماتلر اساسیده ایشسیزلر سانی ۳۰ دن ۳۵ فایز یا اوندن یوقاری راغ بولیشی ممکن.»
شونینگدیک اقتصاد وزیرلیگی، اوتگن ییللرده دنیا بانکی نینگ مالی حمایتی بیلن مذکور وزیرلیک آرقهلی تطبیق بولهدیگن ایش پروژهلری، توختهلیشیدن خبر بیرهدی.