اروپا مملتک‌لریده بولگن افغانستانلیک مهاجرلر قالیش حجت قولگه کیلتیرمه آلمه‌گنی سبب، نامعلوم سرنوشت بیلن روپه‌ره دیرلر. اولردن بیری امرالله دیر. او، ایکی ییل آلدین ناتینچلیک و ایش‌سیزلیک سبب، نامنظم مهاجرلیک آرقه‌لی اروپا مملکت‌لریدن بیریگه بارگن.
امرالله، ایکی ییل آلدین حجت‌سیز شکلده اروپا تامان یولگه چیقگن و کوپینچه قیین‌چیلیکلرنی تحمل قیلیش بیلن اوزنی فرانسه‌گه ییتیشتیرگن. امرالله امنیتی و اقتصادی قیینچیلیکلر سبب، بیرنچیدن قاچاق یولی آرقه‌لی پاکستان‌گه بارگن و اوندن سونگ، ایران، ترکیه، بلغاریا، صربستان، ایتالیا و باشقه بیرقطار مملکت‌لردن اوتیب ۷ آییدن کیین اوزینی فرانسه‌گه ییتیشتیرگن.
اونینگ ایتیشیچه، یول مسریده اولیم‌نی کوزلری بیلن کورگن و بلغاریا چیگره‌سیده پولیس کوچلری مهاجرلرنی کوچیک‌که تالتگن.
امرالله بیر ییریم ییلدن بویان فرانسه ده تیریک‌چیلیک قیله‌دی، لیکن حاضرده هم قانونی حجتی بولمه‌گنی سبب، اوشبو مملکت کیم‌لیگی‌نی قولگه کیتیره آلمه‌گن.
امرالله نینگ ایتیشیچه: «بو ییرده هم قیین‌چیلیک کوپ دیر، شخصی حجت و خسته‌لیک قیین‌چیلیکلری چیککه‌سیده تیل خصوصیده هم قیینچیلیکلر موجود. بیر یریم ییلدن بیری بو ییرده‌من، لیکن کیم‌لیک آلیش‌گه موفق بولمه‌گن من. بو ییر ده قیینچیلیکلر کوپ دیر.»
اوشبو افغانستانلیک مهاجر باشقه بیرقطار مهاجرلر بیلن بیر کمپ ده تیریک‌چیلیک قیله‌دی و قانونی شکلده ایش قیلیش اوچون رخصت بیریلمهیدی.
امرالله نینگ نامنظم مهاجرلیک خصوصیده ایتیشیچه: « نامنظم مهاجرلیک خصوصیده شونچه ایته‌من کیم، بو یول اولیم بیلن اوینه‌ش یولی دیر. بو یولده بولگن کیشی‌لردن ۹۹% بیر مرته ایمس، بیلکم نیچه مرته اولیم بیلن روپه‌ره بوله‌دیلر.»
او، باشقه یاش‌لردن اروپا مملکت‌لریگه کیلیش اوچون هزینه قیله‌دیگن پول‌لری بیلن اوز مملکت‌لریگه ایش قیلیش‌لرینی سوره‌یدی؛ چونکه اونینگ ایتیشیچه، اوز مملکت‌لری یخشی دیر.
عین‌حالده، پکتیا ولایتی بوییچه مهاجرلر و باش‌پناه ایزلاوچیلر ریاستی باشلیغی عبیدالله مرهونی نینگ ایتیشیچه، باش‌پناه ایزلاوچی‌لرنی مصون شکلده قیتیب-کیلیش‌لریگه زمینه یره‌تیش اوچون سعی و حرکت‌لرنی دوامی بار. اونینگ ایتیشیچه، پکتیا ولایتی بوییچه مهاجرلیک ریاستی و مهاجرلیک یا-ده IOM تشکیلاتی مملکت‌گه قیتیب-کیلگن کیشی‌لرگه یاردم بیره‌دی.
مملکت جنوب‌شرق حوزه‌سی بوییچه خلق ارا مهاجرلیک تشکلاتی نینگ مسوولی اسحاق افغان نینگ سلام‌وطندارگه ایتیشیچه، اوز ایستکلری اساسیگه مملکت‌گه قیتیب کیلیش‌گه قرار قیلگن کیشی‌لرگه شغل ایجاد قیله‌دیلر.
جناب افغان نینگ کوپه‌یتیریشیچه، ایش قیلیش اوچون برنامهسی بولگن قیتیب کیلگن مهاجرلرگه بیر مینگ‌دن باشلب ۳ مینگ یورو یاردم بیریلیشی ممکن.
جناب افغان، کونده قوشنی مملکت‌لردن قیتیب کیله‌دیگن مهاجرلرنینگ سانی خصوصیده بیللی معلومات بیرمه‌یدی. اونینگ ایتیشیچه، قندهار نینگ اسپین‌بولدک، فراه، هرات، بلخ و ننگرهار ولایت‌لریدن معلوماتی بانک‌لریمیز تامانیدن بیریلگن امارلرگه کوره، کونده ایران و پاکستان دن اورتلمه شکلده ۵۰۰ افغانستانلیک مهاجر قیتیب کیله‌دیلر و اولردن کوپراغی ایران دن قیتیب کیلگن مهاجرلر دیر. جناب افغان نینگ کوپه‌یتیریشیچه، افغانستان‌نی ترک قیله‌دیگنلر سانی خصوصیده بیللی معلومات یوق، چونکه اولر نامنظم و قاچاق آرقه‌لی افغانستان‌نی ترک قیله‌دیلر.
یاش‌لردن کوپ‌قطاری امنیتی و اقتصادی قیینچیلیکلر سبب، افغانستان‌نی ترک قیله‌دیلر. اولردن کوپ قطاری اوزن مدت مهاجرلیک کمپ‌لریگه یمان وضعیتده حیات کیچیره‌دیلر و اولردن بیر قسمی قالیش حجتی‌نی قولگه کیلتیریب و مذکور مملکت‌لرگه قالیش‌گه موفق بوله‌دیلر.
