ایران تشقی ایشلر وزیرلیگی نینگ اعلام قیلیشیچه، اوشبو مملکت نینگ کابل و هرات‌ده‌گی نماینده‌لیک‌لریگه اویوشتیریلگن هجوم‌لرگه قرشی افغانستان ایلچیخانه‌سی نینگ کاردارینی تهران‌گه چقیرگن.
ایران تشقی ایشلر وزیرلیگی بیر اعلامیه ترقه‌تیب ایتگن‌که اوشبو وزیرلیک نینگ جنوبی آسیا بوییچه عمومی مدیری، دیپلوماتیک نماینده‌لرنی خوف‌سیزلیگینی تأمین‌لش دولت‌لر نینگ بورچی دیر و ایران نینگ افغانستانده‌گی نماینده‌لیک‌لریگه هجوم قیلیگن کیشیلر بیلن قانونی یانده‌شیلیشینی سوره‌گن.
بیزلرنینگ فیسبوک صحیفه‌میزگه باش اورینگ!
شونینگدیک اعلامیه‌ده کیلیشیچه، ایران تشقی ایشلر وزیرلیگی نینگ جنوبی آسیا بوییچه عمومی مدیری افغانسان ایلچیخانه‌سی نینگ کارداریگه ایتگن دیرکه افغانستان تامانیدن اوشبو مملکت نماینده‌لیک‌لرینی خوف‌سیزلیگی تأمین ایتیلیشیدن ایشانچ بیریلگونیگه قدر بو مملکت نماینده‌لیکلری نینگ فعالیتینی افغانستانده کیینگی امرگچه توختگن‌لر.
افغانسان بیرقطار یشاوچیلری اوتگن کون ایران‌ده افغان قاچقین‌لری کلتک‌لنگن‌لریگه دایر اجتماعی ترماقلرده ترقه‌لگن ویدیولرگه قرشی اوشبو مملکت قنسولگرلیگی برابریده نازاضیلیک نمایش اویویشتیرگن‌لر. اعتراضچی‌لر ایران نینگ هرات‌ده‌گی نماینده‌لیگی ایشیگینی‌نی آلاو بیریب و کنسولگرلیک بناسی تامان تاش آتگن ایدیلر.
بوندن آلدین ایران تقشی ایشلر وزیرلیگی نینگ سوزلاوچیسی سعید خطیب‌زاده، بو نازاضیلیک نمایش‌لرگه عکس‌العمل بیلدیریب ایتگن ایدی، دیپلوماتیک مکان‌لر و نماینده‌لرنی خوف‌سیزلیگینی تأمین‌لش اسلامی امارت نینگ مسئولیتی دیر.
بیزلرنینگ توییترده هم تعقیب قیلینگ!
سونگی کونلرده اجتماعی ترماقلرده قولمه-قول بوله‌یاتگن ویدیو نوارلرده کوریلیشیچه، افغانستان یشاوچیلری ایران‌ده آزار بیریلیب کلتک‌لنه‌دیلر.
بیراق ایران حکومتی اوشبو ویدیولرنی یالغان خطاب قیلیب ایتیشیچه، اوشبو ویدیولر ریجه اساسیده ایکی مملکت آره‌سیده‌گی رابطه‌لرنی بوزیش اوچون نشر ایتیلگن.
