ایران اردوسینینگ اعلام قیلیشیچه، بوگون ایرتهلب (۱۱-حمل/ ۳۱-مارچ، سهشنبه)، پهپادی عملیات اوتکزیب، اسرائیلنینگ مدافعه تیزیملرینی رواجلنتیریش و ایشلب چیقیش بیلن باغلیق حربی مرکزلرینی نشانگه آلگن.
ایران اردوسی بیانیهسیده کیلیشیچه، اوشبو عملیات تورلیخیل پهپاددن فایدهلنیش بیلن عملگه آشیریلیب، «البیت سیستم»، «کانفیت» شرکتلرینینگ آستقورمه مرکزلری همده تل آویو و نوف هاگیل صناعتی شهریده جایلشگن مدافعه و هجوم تیزیملرینی ایشلب چیقیش و رواجلنتیریش بیر مرکزیگه هجوم اویوشتیریلگن.
معلومات اساسیده، مدافعه و هجوم تیزیملرینی ایشلب چیقیش و رواجلنتیریش مرکزی، «تیمیر گمبز» کبی راکته تیزیملرینی ایلشب چیقیرووچی مرکزلریدن حسابلنهدی.
اسرائیل حاضرگچه، بو هجوم و احتمالی زیانلری میزانی حقیده، هیچ بیر نرسه دیمهگن.
ایران گه قرشی امریکا و اسرائیل آرهسیدهگی هجوم باشلنگنیدن بیر آی اوتماقده و بو وقتده، ایران نیچه مرته اسرائیلنینگ بیر قطار بولیملرینی نشانگه آلگن.
