ایران و اسرائیل اورته‌سیده توقنشوولرنینگ ییتینچی کونیده، ایککی تامان بیر-بیر‌لری‌نینگ توپراغی گه هجوم اویوشتیریب و هجوملرینی آشیریش حقیده آگاه‌لنتیرگنلر.
بوگون (۲۹-جوزا، پنجشنبه) بامداد چاغی، ایران راکته بیلن اسرائیل‌نینگ بئرشبع شهریده سوروکا کسلخانه‌سینی نشانگه آلدی؛ اسرائیل رسمی‌لری ایران‌نینگ بو اقدامی گه آغیر جواب قیتریش‌لرینی اېتگنلر.
ایران یېتکرمه‌لری گه کوره، ایران اوشبو هجوم‌ده بیرینچی مرته «سجیل» ۲۰۰۰ کیلومترنی اوره‌دیگن راکته‌لردن قوللنگن.
بو راکته‌لر، سپاه پاسدارن تامانیدن «وعده صادق ۳» عملیاتی ۱۲-تولقینیده اسرائیل تامانیدن آتیلگن.
بیزلرنینگ فیسبوک صحیفه‌میزگه باش اورینگ!
سپاه پاسداران‌نینگ ۱۲-سانی بیانیه‌سیده، ایران حربی کوچلری بوندن آلدین عملگه آشیریلگن نیچه عملیات‌ده اسرائیل‌نینگ راکته گه قرشی هوا مدافعه تیزیم‌لرینی ایشدن چیقرگن و اېندی اسرائیل آسمانی ایران راکته‌لری و اوچووچی‌سیز اوچاق‌لری اوچون آچیق‌لیگی قید اېتیلگن.
وعده صادق ۳ عملیات سۉزلاوچیسی ایمان تاجیک، ویدیو بیر فایل ترقه‌تیب ایتیشیچه: «ایشانچینگیز کامل بولسین، قیزیل آگاه‌لنتیرووچیلر آوازی بیر لحظه هم توختمه‌یدی یا که باش‌پنه‌لرده استه-سیکین اولیمنی تنله‌یسیز، یا که اۉزینگیزنی ۲۴ ساعت‌لیک راکته هجوملریدن قوتقره‌سیز و اجدادلریمیز تامانیدن باسیب آلینگن بو ییرلرنی امکان قدر تیزراق ترک اېتیب تیریک قالیش گه حرکت قیله‌سیز.»
ایران اسلامی جمهوریتی‌نینگ بوگون بامدادی چاغی هجوملریده سوروکا کسلخانه‌سی نشانگه آلینگنی، اسرائیل ییریک رسمی‌لری تامانیدن قاره‌لنگن.
بیزلرنینگ «ایکس» ترماغی ده هم تعقیب قیلینگ!
اسرائیل باش وزیری بنیامین نتانیاهو، بو هجوملر گه مناسبت بیلدیریب ایکس صحیفه‌سیده، تهران بو هجوم تاوانینی تولشی حقیده آگاه‌لنتیرگن.
اسرائیل اردوسی فارس تیلی سۉزلاوچیسی کمال پنحاسی گه کوره: «بوگون ایران اسلامی جمهوریتی تامانیدن اویوشتیریلگن راکته‌لر نتیجه‌سیده، تینچ اهالی گه عاید بنالر نشانگه آلیندی، جمله‌دن نیگه منطقه‌سیده کسلخانه، بو کسلخانه بوتون اهالی گه طبی خذمت کورستماقده اېدی؛ ایران ېنه بیر بار اثباتله‌دی بوزوقچیلیک اوچون هېچ قنده‌ی واسطه‌دن چېکینمه‌یدی.»
بو هجوملر گه جواب، بوگون بامداد چاغی اسرائیل اردوسی ایران مرکزی‌ده اراک و خنداب حدودلرینی راکته بیلن نشانگه آلدی.
اسرائیل اردوسی، بوگون بیر بیانیه ترقه‌تیب، ایران‌نینگ هسته‌ای قوراللنیش برنامه‌سینی کوچ‌سیز قیلیش اوچون کېنگ کولملی عملیاتی بیر بولیمیده، اراک‌ده هسته‌ای آست قورمه‌سینی نشانگه آلگنینی بیلدیرگن.
اسرائیل و ایران اورته‌سیده‌گی اوروش‌نینگ ییتینچی کونی شونده‌ی بیر وضعیت‌ده باشلندی که، امریکانینگ ایران بیلن حربی توقنشووی گه توغریدن-توغری قتنشیشی یا که قتنشمسلیگی باره‌سیده ناانیق‌لیک هنوز دوام اېتماقده.
وال استریت ژورنال، منبعلری گه تیه‌نیب، امریکا جمهور باشلیغی دونالد ترامپ ییریک یاردمچیلریگه، ایران گه هجوم قیلیش ریجه‌نی تصدیقله‌گنینی اېتگن.
شو بیلن بیرگه، ترامپ ایران هسته‌ای برنامه‌سینی چیتده قوییش یا-ده قویمسلیگینی تېکشیریش اوچون نهایی قرارینی آرتگه قویدیرگن؛ امریکا جمهور باشلیغی ینگی بیاناتیده ایران حکومتی‌نینگ قولش احتمالی بارلیگینی بیلدیرگن.
بلومبرگ‌نیوز نشریه‌سی، ترقه‌تگن گزارشی‌ده امریکا رسمی‌لری کېله‌سی کونلرده ایران گه هجوم قیلیش اوچون تیارگرلیک کورماقده‌لیگینی یازگن.
شو بیلن بیرگه، کرملین سرای روسیه دولت رهبری ولادیمیر پوتین ایران و اسرائیل اورته‌سیده واسطه‌چیلیک قیلیش اوچون تیارلیگینی اعلام قیلگن.
پوتین چهارشنبه کونی، امریکا تامانیدن ایران رهبری علی خامنه‌ای ترور اېتیلیشی گه دایر سوال گه جواب، او حتا بوتوغریده‌گی احتمال باره‌سیده صحبت قیلیش گه قیزیقمسلیگینی اېتگن.
پوتین‌نینگ کوپه‌یتیریشیچه: «مین حتا بونده‌ی احتمال حقیده گپیریشنی هم ایستمه‌ی من. سیز تیلگه آلگن استراتیژیک همکارلیک شرطنامه‌سیده، روسیه‌نینگ مدافعه ساحه‌سیگه عاید هېچ قنده‌ی ریجه‌سی یوق. ایکینچیدن، حاضرگچه ایران‌لیک دوست‌لریمیز بو باره‌ده بیز گه مراجعت قیلمه‌گنلر، شونینگ اوچون بو مسئله‌ده محاکمه قیلینه‌دیگن هېچ نرسه یوق»
شمالی کوریا تشقی ایشلر وزیرلیگی، اسرائیل‌نینگ ایران هسته‌ای و برق آست قورمه‌لری گه هجومینی قاره‌لب، امریکا و اروپا ایران و اسرائیل اوروشیده بوندن آرتیق اره‌لشمسلیگی حقیده آگاه‌لنتیرگن.
اوشبو مملکت یېتکرمه‌لری، بوگون ترقه‌تگن گزارشی‌ده، امریکا قۉشمه ایالتلری و اروپا مملکتلریگه، ایران و اسرائیل اوروشیگه بوندن آرتیق اره‌لشمسلیگینی سوره‌ب و تینچ اهالی اولدیریلیشینی «بشریت گه قرشی کیچریب بولمس جنایت» اته‌گن.
معلومات‌لر اساسیده، اسرائیل‌نینگ ایران گه هوا هجوملری عاقبتیده چمه‌سی ۶۳۹ کیشی هلاک بولیب و بیرمینگ ۳۰۰ دن آرتیق کیشی یره‌لنگن، شونینگدیک اسرائیل تامانیدن حاضرگه قدر چمه‌سی ۲۷ کیشی هلاک بولیب و باشقه ۵۰۰ دن آرتیق کیشی یره‌لنگن.
