ایران تشقی ایشلری وزیری حسین امیر عبداللهیان، عراق تشقی ایشلر وزیری فواد حسین بیلن تهران‌‌ده اوچره‌شگن.
ایران رسانه‌لری نینگ گزارش بیریشلریچه، اوشبو اوچره‌شوده افغانستانده یوزبیرگن سونگی اوزگریشلر بحث گه آلینگن و ایکی تامان افغانستانده، برچه قوملر اشتراکی بیلن برچه شمول حکومت تشکیل ایتیلیشی اوستیده تأکید قیلگن‌لر.
اوشبو اوچره‌شووده ایران تشقی ایشلر وزیری، افغانستان سرپرست حکومتی نینگ رسمیت‌گه تانیلیشی، اوشبو مملکت‌ده برچه شمول حکومت تشکیل ایتیلیشی‌گه باغلیق دیگن.
بیزلرنینگ فیسبوک صحیفه‌میزگه باش اورینگ!
او افغانستان یشاوچیلری تامانیدن ایران نینگ کابل و هرات ده‌گی ایلچیلخانه‌لری قرشی‌سیده اویوشتیریلگن ناراضیلیک نمایشلر توغریسیده ایتگن دیر که، افغانستان یشاوچیلری و سیاسی گروه‌لردن قطاری نینگ گل بیلن ایران نماینده‌لیگی ایشیگیده حضور تاپیشلری، ایکی مملکت نینگ قوشمه دشمن‌لری، توطئه بیلن اوشبو مملکت‌لر اورته‌سیده‌گی رابطه‌لرنی بوزه‌آلمسلیکلرینی کورسته‌دی.
افغانسان بیرقطار یشاوچیلری ایران‌ده افغان قاچقین‌لری کلتک‌لنگن‌لریگه دایر اجتماعی ترماقلرده ترقه‌لگن ویدیولرگه قرشی اوشبو مملکت قنسولگرلیگی برابریده نازاضیلیک نمایش اویویشتیرگن‌لر. اعتراضچی‌لر ایران نینگ هرات‌ده‌گی نماینده‌لیگی نینگ ایشیگینی آلاو بیریب و قنسولگرلیک بناسی تامان تاش آتگن ایدیلر.
شونینگدیک ایران تشقی ایشلر وزیرلیگی نینگ سوزلاوچیسی سعید خطیب‌زاده، بو ناراضیلیک نمایش‌لرگه عکس‌العمل بیلدیریب ایتگن ایدی، دیپلوماتیک مکان‌لر و نماینده‌لرنی خوف‌سیزلیگینی تأمین‌لش اسلامی امارت نینگ مسئولیتی دیر.
بیزلرنینگ توییترده هم تعقیب قیلینگ!
شونده‌ی بیر حالده، ایران تشقی ایشلر وزیرلیگی اعلام قیلگن ایدی، اوشبو مملکت نینگ کابل و هرات‌ده‌گی نماینده‌لیک‌لریگه اویوشتیریلگن هجوم‌لرگه قرشی افغانستان ایلچیخانه‌سی نینگ کاردارینی تهران‌گه چقیرگن.
بیراق ناراضیلیک نمایشلردن بیرکون اوتیشی بیلن، مملکت باشقه بیرقطار یشاوچیلری ایران نینگ ایلچیخانه‌سی قرشی‌سیده گل قوییب اوشبو مملکت نینگ افغانستانده قیلگن همکارلیکلریدن منتدارچیلیک قیله‌دیلر.
