باختر دولتی آژانسی نینگ گزارش بیریشیچه، افغانستان سابق حکومتی قوللگندن کیین کوپینچه حربی جهاز و قورال –یراغ‌لر ایران‌گه انتقال بیریلگن ایدی، اسلامی امارت حکومتی‌گه تاپشیریلگن.
بیزلرنینگ فیسبوک صحیفه‌میزگه باش اورینگ!
باختر نینگ کوپه‌یتیریشیچه، مذکور حربی جهازلر اسلامی امارت مسئوللری نینگ سعی و حرکتی بیلن اوتگن کیچه، (سه‌شنبه، ۱۷-جوزا) اسلام‌قعله بندریده سرپرست حکومت‌گه تاپشیریلگن.
بوندن آلدین اسلامی امارت قدرت‌گه ایریشگندن کیین افغانستان سابق حکومتی‌گه تیگیشلی حربی جهاز و اوسکونه‌لر قوشنی مملکتلر جمله‌دن پاکستان و ایران‌گه قاچاق ایتیلگنی خصوصیده گزارشلر ترقلگن ایدی؛ بیراق اسلامی امارت ایچکی ایشلر وزیرلیگی مذکور گزارشلرنی ناتوغری و یالغان دیگن ایدی.
باشقه بیر تاماندن افغانستان سابق حکومتی قوللگندن کیین بیرقطار حربی تیک‌اوچر و اوچاقلر اوزبیکستان و تاجیکستان مملکت‌لریگه انتقال بیریلگن.
اسلامی امارت مدافعه وزیرلیگی نینگ سرپرستی محمد یعقوب مجاهد مذکور مملکتلردن، افغانستان نینگ اوچاق و تیک‌اوچرلرینی «حرمت بیلن» افغانستان‌گه تاپشیریشلرینی سوره‌گن ایدی.
بیزلرنینگ توییترده هم تعقیب قیلینگ!
شونده‌ی بیرحالده، آمریکا قوشمه ایالاتی نینگ سوزلاچیسی جان اف کربی خبری بیر ییغیده، افغانستان سابق حکومتی‌گه تیگیشلی مذکور تیک‌اوچر و اوچاقلر اسلامی امارت‌گه تاپشیریلمسلیگینی ایتگن ایدی، اونینگ ایتیشیچه، مملکت‌دن تشقریده قرار تاپگن مذکو تیک‌اوچر و اوچاقلر تقدیری خصوصیده حاضرگچه قرار آلینمه‌گن و پنتاگون بو توغریده ایش قیله‌دی.
