مملکت بویلب سونگی اوزگریش‌لردن کیین، کونسه‌یین اهالی اقتصادی قیینچیلیکلر گه روپه‌ره بولیب و ایشلرینی قولدن بیرماقده‌لر. ۲۷ یاشر محمد ناصر، اقتصادی قیینچیلیک طفیلی بویره‌گینی ساتیش گه قصد قیلگن. او نینگ ایتیشیچه، تیریکچیلیک احوالی و اقتصادی معما اونی بو ایش گه مجبور قیلگن.
ضیالی ییگیت ناصر، اوچ ییل حقوق و سیاسی علوم فاکولته‌سیده درس اوقیگن و اداره و پالیسی عامه فاکولته‌سی نینگ ایکینچی ییل طلبه‌سی دیر. ناصر قریب اوچ ییل، دولت اداره‌لریده وظیفه بجرگن؛ بیراق حاضر بیکار دیر.
بیزلرنینگ فیسبوک صحیفه‌میزگه باش اورینگ!
ناصر نینگ ایتیشیچه، آته و آنه‌سی کسل و اوزی ایسه اولشتیریلگن (نامزد) دیر، آته‌سی پروستات بیمارلیگیگه چلینگن و عملیات بولیشی کیره‌ک. اقتصادی قیینچیلیک و حیات قییناق‌لیکلری ناصرنی بویره‌گینی ساتیش گه مجبور قیلگن.
اونگه کوره، بویره‌گینی ۶۰۰ مینگ افغانی ساته‌دی و بیر خریدار ۳۰۰ مینگ ساتیب آلیشینی بیلدیرگن؛ بیراق ناصر اوشبو مقدار پول‌نی موجود قیینچیلیکلری اوچون ییترلی بیلمه‌یدی.
باشقه تاماندن، هرات یشاوچیلریدن بولمیش بصیراحمد نینگ سلام‌وطندار گه ایتیشیچه، بویره‌گینی سودا گه قوییشیدن تخمیناً بیر آی اوتماقده؛ لیکن حاضرگچه خریدار تاپمه‌گن. بصیر بویره‌گینی ساتیش سببینی قشاق‌لیک، قرضدار‌لیک و فرزندلری آچلیگی عنوان قیله‌دی.
اونگه کوره، ۸ فرزندی بار و ۹ آی دن بویان اوی اجاره‌سینی توللمه‌گن. بصیر هم ناصر کبی بویره‌گینی ساتیش اوچون قیینچیلیکه دوچ بولگن.
مملکت ده‌گی سونگی اوزگریش‌لر یالغیز ناصر و بصیرنی ایش‌سیز قیلمه‌گن، بلکه اولرنی حتی بویره‌ک‌لرینی ساتیش گه مجبورلنتیرگن. اولر اسلامی امارت نینگ ینگی قانون_قاعده‌لری سبب، بویره‌ک‌لری گه خریدار تاپیش اوچون قیینچیلیککه روپه‌ره بولگنلر.
کابل کسلخانه‌لریده بویره‌ک‌نی پیوند قیلیش متخصصی نعمت‌الله رضایی نینگ ایتیشیچه، اهالی نینگ اقتصادی قیینچیلیگی و بدن اعضالرینی پیوند قیلیش قانون_قاعده‌لر اوزگریشی باعث، بویره‌ک‌نی پیوند قیلیش کمه‌یگن.
اونینگ کوپه‌یتیریشیچه، اوتمیش‌لرده بویره‌ک‌نی پیوند قیلیش اوچون مانع‌لیک یوق ایدی، بیراق حاضر ساغلیق‌نی سقلش وزیرلیگی تامانیدن تعینلنگن کمیسیون، استثنا موردلردن باشقه کیمسه گه، باشقه‌نی گرده‌سینی اوز بیماری گه پیوند قیلیش رخصتینی بیرمه‌یدی.
بیزلرنینگ توییترده هم تعقیب قیلینگ!
کابل جمهوریت کسلخانه‌سی نینگ همودیالیز بولیمی مسئولی هارون هاجر نینگ سلام‌وطندار گه ایتیشیچه، دولت کسلخانه‌لریدن هیچ بیری جمله دن جمهوریت ده، بویرهک پیوندی عملیاتی اوتکزیلمه‌یدی. اونگه کوره، ساغلیق‌نی سقلش وزیرلیگی، اولر گه جمهوریت کسلخانه‌سیده بویرهک عملیاتی اوچون بولیم ایجاد ایتیشیدن ایشانچ بیرگن.
ایتیش کیره‌ک که، افغانستان ده اسلامی امارت حاکم بولیشیدن آلدین، بدن اعضالری جمله‌دن بویرهک نی ساتیش ممکن ایدی، بیراق اسلامی امارت قدرت نی قولگه آلیشیدن کیین، بویرهک شامل بدن اعضالرینی ساتیش ممنوع بولگن.