فاریاب ده‌گی بیر آته ۱۰ یاشر قیزینی اوشبو ولایت نینگ مرکزی میمنه شهری‌ده ۲۰۰ مینگ افغانی عوضی گه ساتیش گه قویگن. مذکور شخص بوگون قیز و ایکی اوغلی بیلن میمنه شهری گه کیلیب و قیزینی ساتیش اوچون خریدار قیدیرماقده.

فاریاب ولایتی بل‌چراغ تومنی اصلی یشاوچیسی بولگن اسدالله نینگ ایتیشیچه، قریب ۶ ییل‌دن بویان اصلی زادگاه‌سینی ترک قیلیب جوزجان ولایتیده حیات کیچیره‌رر ایکن. اسدالله گه کوره، اوشبو مدت ایچیده کوپ قیینچیلیکلرنی کوریب و اقتصادی مشکل‌لر بیلن عایله‌سینی تیبره‌تگن.

او نینگ اورغولشیچه، ۸ آی آلدین خاتینینی قولدن بیرگندن سونگ تیریکچیلیگی آغیرلشگن.

بیزلرنینگ فیسبوک صحیفه‌میزگه باش اورینگ!

اسدالله گه کوره، اوچ باله‌سینی سرپرستلیک قیلیش و اولر گه بیر لقمه نان تاپیش اوچون، تیلنچیلیک قیلیش گه مجبور بولگن.

بیراق حاضر حیات، اونی یگانه قیزینی ساتیش گه مجبور قیلدیرگن.

اسدالله نینگ ایتیشیچه، قیزی اوچون ۲۰۰ مینگ افغانی نرخ تعین قیلگن، بیراق حاضرگچه ۱۳۰ مینگ افغانی گچه قیزی گه خریدار تاپیلگن.

شو بیلن، فاریاب مدنی فعال‌لریدن قطاری اوشبو وضعیتدن خواطر بیلدیریب ایتیشلریچه، «قشاق و محتاج‌لیک باعث، فقرالر بو بدبخت‌لیکلر گه روپه‌رو بولگن.»

اولر گه کوره، ایش‌سیزلیک و افغانستان نینگ سرمایه‌لری موزله‌تیلیشی و عین‌حالده نرخ-نوا قیمتلیگی سبب، محتاج و کمبغل کیشی‌لر، عایله‌لرینی تیبره‌تیش و اولر گه بیر لقمه نان تاپیش مقصدیده فرزندلرینی ساتیش گه مجبور بولیشگن.

بیزلرنینگ توییترده هم تعقیب قیلینگ!

فاریاب اسلامی امارت محلی مسئول‌لری، مملکت بویلب قشاق و محتاج‌لیک همده اقتصادی انقراض، اسدالله کبی عایله‌لر فرزندلرینی ساتیش گه مجبور بولگنینی تصدیقله‌یدیلر.

بو عین‌حالده، سونگی آلتی آی ایچیده، فاریاب و باشقه ولایت‌لرده قشاق و محتاج عایله‌لردن بیرقطاری، فرزندلری نینگ نفقه‌سی تأمینلش مقصد، قیزلرینی ساتیش گه مجبور بولگن.

مرتبط با این خبر:

کلیدی کلمه‌لر: // //

شریک قیلینگ:
خبر اوقووچی
تیگیشلی خبرلر و تحلیل‌لر

سلام‌وطندار خبرلری و گزارش‌لری نینگ اجتماعی ترماق‌لردن تعقیب قیلینگ:

فیسبوک

توییتر

تلگرام