اوچ کونلیک «خلقارا کورهش» تورنمنتی بوگون (۳ ثور/۲۳ اپریل، پنجشنبه) کورهش، سامبو و عنعنوی کورهش بولیملریده افغانستان، اوزبیکستان، قرغیزستان، ایران، تورکیه، تاجیکستان و تورکمنستاندن ۱۶۰ سپورتچینینگ اشتراکی بیلن کابلده باشلندی.
افغانستان کورهش، سامبو و عنعنوی کورهش فدراسیون باشلیغی سیدمحمود ضیا دشتی، اوشبو تورنمنتنی آچیش مناسبتی بیلن اوتکزیلگن ییغیلیشده، بو تورنمنت منطقه مملکتلری اورتهسیده سپورت بولیملری ترقیاتی اوچون اوتکزیلگنینی بیلدیردی.
اسلام امیرلیگی تشقی ایشلر وزیری امیرخان متقی، افغانستان منطقه مملکتلری اورتهسیده سیاست، تجارت و سپورت بولیملریده همکارلیکلرنی کینگهیتیریش گه اینتیلهیاتگنینی معلوم قیلدی.
برچهسی بیلن، اوشبو تورنمنتده اشتراک ایتگن سپورتچیلردن بعضیلرینینگ ایتیشیچه، بو تورنمنت منطقهدهگی پروفیشنل درجهدهگی بیللشوولرده اوتکزیلگن.
افغانستان المپیک، جسمانی تربیهلش و سپورت کمیته مسئوللری، بو مملکت سپورتچیلری سونگی ییللرده، خلقارا بیللشوولرده ۴۰۰ دن آرتیق مدال قولگه کیریتگنینی معلوم قیلهدیلر.
