سیاسی ایش بیلرمانلردن قطاری نینگ ایتیش‌لریچه، کون اوتیشی بیلن اسلامی امارت رسمی‌لریدن قطاری نینگ آره‌سیده اختلاف‌لر کوپه‌یماقده دیر.
اولر نینگ کوپه‌یتیریش‌‌لریچه، تشقی ایشلر وزیرلیگی نینگ سیاسی معینی شیر‌محمد عباس ستانکزی نینگ اوتگن کون، سرپرست حکومت نینگ تشقی و ایچکی سیاستی، عیاللر خصوصیده یره‌تیلگن چیکلاو‌لر و قیزلر نینگ تحصیل گه قول تاپه آلمه‌یشی توغریسیده‌گی بیاناتی، اسلامی امارت رهبرلری آره‌سیده اختلاف‌لر نینگ موجود‌لیگی نی کورسته‌دی.
بیزلرنینگ فیسبوک صحیفه‌میزگه باش اورینگ!
سیاسی مسئله‌لر بیلرمانی میرویس آشفته نینگ ایتیشیچه، اسلامی امارت رسمی‌لری بوندن آلدین، اوز آره‌‌لریده اختلاف بولگنی نی کورستگن بیانات‌لری بار ایکن.
اونینگ کوپه‌یتیریشیچه، اوشبو اختلاف‌لر و فرقلی نظریه‌لر اهالی نینگ اساسی حق‌لری و خذمت‌لر ارایه قیلینیشی خصوصیده سلبی تاثیر قوییب و شونینگدیک اسلامی امارت نینگ منظم برنامه‌لری نی قیین‌چیلیک بیلن روپه‌رو قیلیشی ممکن.
سیاسی ایش بیلرمانلردن باشقه بیری ویس ناصری نینگ ایتیشیچه، اسلامی امارت رسمی‌لری آره‌سیده موجود بولگن اختلاف‌لر اهالی گه زیان ییتیشتیریشی ممکن.
بیزلرنینگ توییترده هم تعقیب قیلینگ!
شونده‌ی بیرحالده، اسلامی امارت سوزلاوچی اورین‌باسرلریدن بلال کریمی تحلیل‌چیلر نینگ تنقید و خواطرلری نی بی‌بنیاد دیب و ایتیشیچه، اسلامی امارت مسئوللری آره‌سیده مکمل بیرلیک موجود دیر. اونینگ کوپه‌یتیریشیچه، ستانکزی نینگ اوتگن کون مطرح قیلگن بیاناتی، اسلامی امارت رفتارلریدن تنقید قیلیش ایمس؛ بلکیم اهالی نینگ کوپراق ایش قیلیش اوچون تشویق قیلیش دیر.
اسلامی امارت سوزلاوچیسی نینگ اوشبو اورین‌باسری تاکید قیلگن که، اهالی گه کوپینچه خذمت‌لر خصوصیده متعهد‌‌لر و شونینگدیک بو زمینه‌ده سعی و حرکت قیله‌دیلر.
