رامین نینگ آنه‌سینی قیغولنیب ایتیشیچه، اوغیرلاوچی‌‌لر اوغلی‌نی بیر تلفون اوچون پیچاق آرقه‌لی اولدیرگن.
رامین ایش‌دن چیقیب اویی تامان باره‌دیگن بیرچاغده، اوغیری‌لر تامانیدن پیچاق آرقه‌لی اولدیریلگن.
اوشبو واقعه اوتگن “سهشنبه” کونی آقشام چاغیده کابل شهری نینگ ۱- امنیتی حوزه‌سیگه تیگیشلی منطقه‌ده یوز بیرگن.
رامین کانکور سناویده اشتراک قیلیب، کابل بیلیم یورتی نینگ مهندس‌لیک فاکولته‌سی‌گه یول تاپگن ایدی، لیکن بوتون امیدلری بیلن یلغانچی دنیادن کوچیب کیتگن.
رامین نینگ آنه و عایله اعضاسی، امنیتی کوچلرنینگ دقت‌سیزلیگی‌دن تنقید قیلیب و حکومت و امنیتی کوچلردن هیچ‌قنده‌ی توقع‌لری یوقلیگی‌نی بیلدیره‌دی.
رامین نینگ یقین دوست‌لریدن بیری فضل الرفیع نینگ ایتیشیچه، امنیتی کوچلر تامانیدن قولگه آلینگن کیشی امنیتی کوچلر تامانیدن قوییب یوباریله‌دی.
عین‌حالده، رامین نینگ عایله‌سی حکومتدن اونینگ قاتل‌لرینی اوشله‌ب قانون تاپشیریش‌نی سوره‌گنلر.
بیراق کابل پولیس قومندانلیگی سوزلاوچیسی فردوس فرامز نینگ ایتیشیچه، رامین نینگ اولیمی خصوصیده بیر کیشی قولگه آلینگن و بو واقعه‌گه قول‌لری بولگن باشقه کیشی‌لرنی قولگه آلیش اوچون سعی و حرکت‌لرنی دوامی بار.
سونگی پیت‌لرده کابل شهریده جنایت‌لر جمله‌دن قتل، آدم اوغیرلاوچیلیک و قوراللی زوروانلیکلر رقمی کوپه‌یگن.