پاکستان باش وزیری عمران، بوگون مذکور مملکت کابینه اعضاسی شامل یوقاری مرتبه‌لی بیر هیأت ییتکچیلیگیده، ایکی کون‌لیک بیر سفر اوچون روسیه تامان کیتیش گه قرار آلگن. عمران خان سونگی ۲۳ ییل‌ده روسیه گه سفر قیلگن پاکستان نینگ بیرینچی باش‌وزیری دیر.
پاکستان‌لیک رسانه‌لر مذکور مملکت تشقی ایشلر وزیرلیگیدن نقل قیلیب، اوشبو سفرده روسیه و پاکستان رسمی‌لری آره‌سیده ایکی تامانلمه ییغین یولگه قویلیشی نی گزارش بیرگن و ایکی مملکت مناسبت‌لری اینیقسه انرژی بولیم‌لریده همکارلیک قیلیش موضوع‌لری اوستیگه بحث ایتیلیشی کوتیله‌دی.
بیزلرنینگ فیسبوک صحیفه‌میزگه باش اورینگ!
خلق‌ارا و منطقه‌یی بویوک مسله‌لر اینیقسه افغانستان وضعیتی و اسلام‌هراسلیک اوشبو اوچره‌شووده بحث گه آلینه‌دیگن موضوع‌لردن دیلگن.
شونده‌ی بیرحالده، پاکستان ملی خوفسیزلیک مصلحتچیسی موید یوسف، تلویزیونی بیر برنامه‌ده ایتیشیچه، اوشبو مملکت اورته آسیاده سوداگرلیک مقصدی گه ایریشیش اوچون افغانستان‌‌دن دهلیزی آسایشته‌لیک نینگ ایجاد قیلیش نی ایسته‌یدی. اونینگ اورغولشیچه، اسلام‌آباد چین و روسیه بیلن رابطه قوریش اوچون حقی بار.
پاکستان تشقی ایشلر وزیرلیگی گه کوره، بو سفر پاکستان و روسیه نینگ ایکی تامان‌لیک رابطه‌لری نینگ کوچلنتیریش و تورلی بولیم‌لرده متقابل همکارلیک نینگ کوپه‌یشی گه یاردم قیلیشی ممکن.
