اوتگن “شنبه” کونی ملی خوفسیزلیک ریاستی نینگ عمومی رییسی، کابلده خبری بیر ییغین اوتکزیب طالبان رهبرلری آره‌سیده جدی شکلده تارتیشوولر موجود بولگنیدن خبر بیرگن ایدی.
ملی خوفسیزلیک عمومی باشلیغی احمدضیا سراج نینگ ایتیشیچه، سراج‌الدین حقانی رهبرلیگی‌گه بولگن پشاور کینگشی، طالبان رهبرلیگی ده کویته کینگشی اورنی‌نی کوچ‌سیز قیلیش اوچون سعی و حرکت قیلماقده.
عین‌حالده، سیاسی ایش بیلرمانلردن بیرقطاری نینگ ایتیش‌لریچه، طالبان گروهی آره‌سیده تارتیشوولر بولگنی اوروش میدان‌لریگه کوریلمه‌گن، بیراق افغانستان حکومتی و طالبان آره‌سیده کیلیشوو صورت تاپگن حالده، قدرت‌نی تقسیمی اوستیگه اوشبو گروه آره‌سیده جدی تارتیشوولر یوز بیریشی ممکن.
سیاسی ایش بیلرمانلردن بیری بسم‌الله رنجبر نینگ ایتیشیچه، تینچلیک عرفه‌سیده طالبان آره‌سیده تارتیشوولر یوز بیریشی ممکن، چونکه طالبان رهبرلری کلیدی کرسی‌لرینی قولگه کیلتیریش اوچون سعی و حرکت قیله‌دی.
لیکن، سیاسی ایش بیلرمانلردن باشقه بیری طارق فرهادی نینگ ایتیشیچه، ملی خوفسیزلیک ریاستی حکومت ایچیده بولگن تارتیشوولرنی یاشیریش و عامه فکرینی مغشوش قیلیش اوچون بونده‌ی ادعالرنی بیان قیله‌دی و طالبان آره‌سیده هیچ‌قنده‌ی تارتیشوو صورت تاپمه‌گن.
جناب فرهاد گه کوره، طالبان حاضرگه‌قدر تینچلیککه قول تاپمه‌گن و اوروش میدانیده هم فرقلی عمل قیلمه‌گن، لیکن تینچلیک جریانی نتیجه بیرگن صورتده، اوشبو گروه آره‌سیده تارتیشوولر یوز بیریشی ممکن.
