انسان حقوقی ایرکین کمیسیونی نینگ اعلان قیلیشیچه، اوشبو کمیسیون اختیاریگه قرار تاپگن معلومات‌لرگه کوره، هلمند مرکزی لشکرگاه شهریده طالبان‌گه قرشی اویوشتیریلگن هوایی هجوم نتیجه‌سیده ۳ باله شامل ۵ تینچ اهالی هلاک و باشقه ۵ کیشی یره‌لنگن.

بوگون “جمعه” انسان حقوقی ایرکین کمیسیونی نینگ بیر خبرنامه آرقه‌‎لی اعلان قیلیشیچه، هلاک ایتیلگن کیشی‌‎لر بیر عایله نینگ اعضاسی ایکن‌. خبرنامه گه کوره، مذکور هوایی هجوم ایکی کون آلدین اویوشتیریلگن.

انسان حقوقی ایرکین کمیسیونی، حکومتدن بو واقعه‌نی تیکشیریب و قربان بولگن‌لر اوچون عدالت‌نی تامین قلیشی‌نی سوره‌گن. اوشبو کمیسیون، اوروش طرف‌لریدن جدی تدبیرلر آلیش بیلن بونده‌ی واقعه تکرار بولیشی‌گه توسیق بولیش‌لرینی ایسته‌گن.

انسان حقوقی ایرکین کمیسیونی نینگ کوپه‌یتیریشیچه، اوروش حل و مشروع یول ایمس. بو کمیسیون گه کوره، اوروشده یالغیز گناه‌سیز انسان‌لر تلفات کوریب و انسان حقوقی نقض ایتیله‌دی.

اوشبو نهاد نینگ تاکید قیلیشیچه، حاضرده اوروش تامان‌لرنینگ آتیش‌کیسین اعلان قیلیب زوروانلیکلرنی یکونلنتیریش زمانی کیلگن.

انسان حقوقی ایرکین کمیسیونی نینگ کوپه‌یتیریشیچه، تینچ اهالیدن حفاظت قیلیش اوروش تامان‌لری نینگ اصلی هدف‌لریدن بولیشی کیره‌ک.

مرتبط با این خبر:

کلیدی کلمه‌لر: // //

شریک قیلینگ:
خبر اوقووچی
تیگیشلی خبرلر و تحلیل‌لر

سلام‌وطندار خبرلری و گزارش‌لری نینگ اجتماعی ترماق‌لردن تعقیب قیلینگ:

فیسبوک

توییتر

تلگرام