آمریکالیک ییریک بیر دیپلمات سلام‌وطندار بیلن اوتکزگن خاص سوزلشووده ایتیشیچه، طالبان قیشلاقلر و تومن‌لرنی نظارتگه آلگن بیرحالده، افغانستان تینچلیککه ایریشیشی اوچون واشنگتن سعی و حرکتدن قول تارتمه‌یدی.
کابل ده آمریکا ایلچی‌خانه‌سی نینگ سرپرستی راس ویلسن نینگ ایتیشیچه، افغانستان‌لیکلرارا تینچلیک سوزلشوولری نینگ تیزلشتیریش اوچون، کیله‌جک هفته قطر پایتختی دوحه‌ده بیر ییغین یولگه قوییلیشی ممکن.
اوشبو آمریکالیک دیپلمات نینگ ایتیشیچه، «مذکور ییغین مقصدی سوزلشوولرگه قیته تمرکز قیلینیشی و سوزلشوولرنینگ موفقیت گه یقیین‌لشتیریش دیر. بیزلر سعی و حرکتدن قول تارتمه‌یمیز و بونده‌ی بیر نیتی‌میز هم یوق.»
تینچلیک سوزلشووولری اوتگن آی قیته باشلندی که اونینگ بیر نتیجه‌سی یوق ایکن و افغانستان دولتی و طالبان بیر اعلامیه ترقه‌تیش بیلن قطر پایتختی دوحه‌ده سوزلشوولرنینگ یوقاری درجه گه دوام بیریش اوچون قول بیریشگن.
مذکور اعلامیه ایکی کونلیک سوزلشوودن کیین نشر ایتیلدی که بو اعلامیه‌ده کیلیشیچه، ایکی تامان تینچ‌اهالی نینگ جانی و آستقورمه‌لرنینگ سقلش و خذمت ترقه‌تیش اوچون متعهد دیر.
بیزلرنینگ فیسبوک صحیفه‌میزگه باش اورینگ!
اوشبو قوشمه اعلامیه‌ده کیلیشیچه، «ایکی تامان بو نتیجه گه ییتیشگن که اسلامی اصول اساسیده برچه افغانستان اهالیسی نینگ منفعتی و ایسته‌کلرینی تأمین قیله‌دیگن بیر کیلیشوووگه قول تاپیش کیره‌کلی دیر. ایکی تامان یوقاری درجه‌ده‌گی سوزلشوولرگه شرکت قیلیب و بونده‌ی بیر کیلیشووگه قول تاپیش گه قرار آلگن و بونده‌ی کیلیشووگه قول تاپیش اوچون ییغینلر دوام تاپیشی کیره‌ک.»
قطر ده طالبان سیاسی دفتری سوزلاوچیسی محمد نعیم، قوشمه اعلامیه نشر ایتیلگنیدن کیین، آتیش کیسین و محبوسلر قوییب یوباریلیشی توغریسیده کیلیشیلگنی نی جدی شکلده رد قیلدی.
شونده‌ی بیرحالده، طالبان کمیده ۲۰۰ تومن نی نظارت گه آلیب و حاضر ایسه ولایتلر مرکزلری اوستیگه هجوم گه باشله‌گن. طالبان جمعه کونی هرات شهری اوستیگه هجوم باشله‌دی که اولرنینگ هجومی اهالی آره‌سیده قورقوو و وحشت ایجاد بولیشی گه سبب بولدی.
- آمریکا امنیتی کیلیشوونامه گه توجه قیلمسدن افغانستان نی ترک قیلگن
- آمریکا نینگ کابلده‌گی ایلچی‌خانه‌سی باغله‌نیشی اوچون هیچ‌قنده‌ی برنامه یوق
- آمریکا افغانستان هوایی کوچلریدن مدافعه قیلیش اوچون قطر ده بیر پایگاه قوره‌دی
- آمریکا ایلچی‌خانه‌سی: اوتگن ۱۲ ییل ده افغانستان ده ۳۸ مینگ تینچ‌اهالی اولدیریلگن
جناب ویلسن سلام‌وطندار بیلن اوتکزگن مصاحبه‌ده، کیسین حمایوی کوچلرنینگ افغانستان امنیتی کوچلریدن حمایتی دوام تاپیشی اوستیگه اورغولب و ایتیشیچه، «هلیکوپتر و حربی جهاز یاردم بیریش پروسه نینگ تیزلشتیریش اوچون حرکت قیله‌میز، بیزلر طالبان گه قرشی نیچه هوایی هجوم اویوشتیردیک که اولرنینگ کوپ تأثیری بولگن و بو ایش نی دوام بیریش نیتیده میز.»
اوشبو آمریکالیک دیپلمات طالبان و آمریکا آره‌سیده امضالنگن دوحه کیلیشوونامه‌سیگه تیگیشلی سوراققه جواب بیریب ایتیشیچه، دوحه کیلیشوونامه‌سی نینگ اصلی مقصدی افغانستان نیچه دهه اوروشی نینگ یکونلتیریش و سیاسی بیر کیلیشووگه قول تاپیش اوچون سوزلشوولرنینگ باشلهنیشی ایدی.
اونگه کوره، بو اونملی بیر یوتوق دیر و بو کیلیشوونامه بوتون افغانستان ده امیداورلیکلر ایجاد قیلگن که آمریکا نینگ مقصدی هم شو ایدی.
کابل ده آمریکا ایلچی‌خانه‌سی سرپرستی نینگ ایتیشیچه، افغانستان امنیتی بولیمیدن حمایت قیلیش واشنگتن نینگ اونملی اولویت‌لریدن دیر و انسان‌دوستلیک و اقتصادی یاردملر کیینگی رتبه‌لرده قرار تاپگن.
جناب ویلسن نینگ ایتیشیچه، «بو آچیق دیر که بیزلرنینگ عاجل اولویت‌لریمیز خوفسیزلیک بولیمی دیر، یعنی افغانستان هوایی حربی‌لری نینگ حمایت قیلیش و اولرگه یاردم بیریش، پیلوت‌لرگه تعلیمات بیریش، هوایی حربیلرنینگ بقاسی و جهازلنیشی اوچون یاردم بیریش.»
اونینگ کوپه‌یتیریشیچه، آمریکا نینگ هوایی هجوم‌لری افغانستان حربی‌لریگه ایشانچ بیره‌دی که اولر ترورچیلیککه قرشی کوره‌ش گه یالغیز ایمسلر.
کابل ده آمریکا ایلچی‌خانه‌سی نینگ سرپرستی افغانستان رهبرلری نینگ جمهوریت تیزیمی اطرافیده ییغیلیشی و اهالیدن مدافعه قیلیش و شونینگدیک اویغون حرکت‌لری اوستیگه اورغوله‌گن.