سه‌شنبه کونی آمریکا قوشمه ایالاتی نینگ بیر رسمی‌سی بو مملکت افغانستان مرکزی بانک سرمایه‌لریدن کمیده ۹.۵ میلیارد افغانی‌سی نینگ مسدود قیلگنی و طالبان رهبرلیگی آستیده‌گی حکومت بو پوللرگه قول تاپیشی نینگ آلدینی آلیش اوچون افغانستان گه نقد پول یوباریلیشی نینگ توخته‌تیلگنی نی تصدیقله‌گن.
اوشبو آمریکالیک رسمی نینگ ایتیشیچه، آمریکا ده افغانستان مرکزی بانکی نینگ هیچ سرمایه‌سی طالبان اختیاری گه قرار تاپمه‌یدی؛ چونکه بو گروه آمریکا قوشمه ایالاتی نینگ خزانه دارلیک وزیرلیگی نی تحریم رویخطی گه قرار تاپگن.
بیزلرنینگ فیسبوک صحیفه‌میزگه باش اورینگ!
افغانستان مرکزی بانک سابق سرپرستی اجمل احمدی، اوتگن کون توییتر صحیفه‌سیده یازیشیچه، او جمعه کونی آمریکا افغانستان گه دالر یوباریش نی توختتگنیدن خبر بولگن. چونکه بو مملکت طالبان نینگ بو پوللرگه قول تاپیش نی هر شکلده آلدینی آله‌دی. افغانستان مرکزی بانکی نینگ آمریکا ده ۹.۵ میلیارد دالری بار که اونینگ کوپینچه قسمی نیویارک فدرال حساب‌لری و آمریکاده جایلشگن مالی نهادلرده قرار تاپگن.
طالبان گه قرشی امریکا نینگ تحریم‌لری بو معنا گه که بو گروه هیچ قنده‌ی مالی منبعلرگه قول تاپه آلمه‌یدی. بو موضوع دن باخبر ایکی منبع نینگ بیاناتی اساسیده، افغانستان مرکزی بانکی نینگ سرمایه‌لرینی کتته بولیمی افغانستان ده سقلنه‌دی. آمریکا خزانه‌دارلیک وزیرلیگی بو توغریده فکر بیلدیریش دن خوددارلیک قیلگن.
افغانستان دنیا نینگ اینگ فقیر مملکت‌لریدن بیری دیر که اوتگن ۲۰ ییل جریانیده آمریکا نینگ یاردم‌لریگه جدی محتاج بولگن.
