کمیده اوچ هفته آلدین مرکزی بانک نینگ موتری گه جایلشتیریلگن پاپیشقاق ماین پارتله‌شی باعث، مذکور بانک عامه‌علاقه‌لر مصلحتچیسی و طلوع نیوز نینگ سابق ایشلاوچیسی یما سیاووش، ایکی ایشداشی بیلن جان بیردی، بیراق بو واقعه دن ۱۹ کون اوتیشی بیلن مذکور حادثه نینگ قنده‌یلیگی حقیده حاضرگچه قربانی‌لرنینگ عایله اعضالریگه توغری جواب بیریلمه‌گن.
انه‌شوحالده، مذکور واقعه نی تیکشیره‌دیگن نماینده‌لر کینگشی اعضالری نینگ ایتیش‌لریچه، ینگی‌لیکده بو واقعه‌نی تیکشیریشدن قول تارتیش‌لری خصوصیده آگاه‌‌لنتیریلگنلر.
نماینده‌لر کینگش اعضاسی و اوشبو هیأت باشلیغی خانم نظیفه ذکی نینگ ایتیشیچه، مسلکی و تجربه‌سی اساسیده، بوندن بویان مرکزی بانک نینگ ویدیولری گه هم ایشانمه‌یدی.
خانم ذکی نینگ کوپه‌یتیریشیچه، واقعه‌نی تیکشیریشدن قول تارتیش‌لری خصوصیده‌گی هشدارلرگه اهمیت بیرمه‌ی، ایش‌لریگه دوام بیره‌دیلر. تیکشیروچی هیأت باشلیغی نینگ ایتیشیچه، واقعه نینگ یاشیرینچ تامان‌لری آچیق‌لنیش گه قدر تیکشیروودن قول تارتمه‌یدیلر.
نماینده‌لر کینگشی نینگ ایچکی خوفسیزلیک کمیسیونی تامانیدن ترقه‌تیلگن گزارش گه کوره، مرکزی بانک ایشلاوچی‌لری نینگ موتری گه جایلشتیریلگن بمب تیکشیریلیشی اوچون، مملکت ایچکی ایشلر وزیرلیگی تامانیدن هم ایکی هیأت تنلنگن. مملکت ایچکی ایشلر وزیرلیگی تامانیدن تنلنگن ایکی هیأت نینگ بیاناتی اساسیده، مرکزی بانک حاضرگچه یالغیز موترنینگ حقیده معلومات بیرگن.
مرکزی بانک ایشلاوچیسی یما سیاووش و ایکی ایشداشی نینگ هلاک ایتیلگنی واقعه‌سیدن ۱۹ کون اوتماقده، بیراق بو واقعه توغریسیده‌گی سوراق‌لر حاضرگچه جواب سیز قالگن. مذکور موتر گه بمب قنده‌ی ییرلشتیریلگنی حاضرگچه بیللی بولمه‌گن و مرکزی بانک نینگ امنیتی کمره‌لری آرقه‌لی قید ایتیلگن ویدیولرهم شریک قیلینمه‌گن.
