رویترز خبرگزارلیگی نینگ گزارش بیریشیچه، آمریکا مهاجر صفتیده افغانلرنینگ اسکانی توغریسیده ینگی بیر برنامه اعلام قیلیشی ممکن.
مذکور خبرگزارلیک آمریکا دولتی نینگ بیر رسمی‌سی و باشقه ایکی منبع دن نقل قیلیب، بو توغریده گزارش بیرگن. مذکور منبعلر آت‌لری سِر قالیش شرطی بیلن بو حقده رویترز خبرگزارلیگی بیلن صحبت اوتکزگن.
بیزلرنینگ فیسبوک صحیفه‌میزگه باش اورینگ!
گزارش ده ایتیلیشیچه، مذکور برنامه نی آمریکا تشقی ایشلر وزیرلیگی بوگون اعلام قیلیشی نینگ احتمالی بار. رویترز نینگ اوشبو گزارشی اساسیده، ینگی مهاجرلیک برنامه‌سی آمریکا مالی حمایتی بیلن بولگن پروژه‌لر یا غیردولتی نهادلر و مذکور مملکتده‌گی رسانه‌لر بیلن ایش قیلگنلرنینگ پوشش بیره‌دی.
گزارش گه کیلیشیچه، ویزا ترقه‌تیش پروسه‌سی نهایی باسقیچی گه ییتیشگن افغانستانلیک یشاوچی‌لردن کمیده ۲۰۰ ته‌سی مهاجرلیک خاص برنامه‌سی یا «SIV» نینگ حمایتی بیلن اوتگن هفته عایله‌لری بیلن آمریکا گه ییتیشگن.
