اسلامی امارت تشقی ایشلر وزیرلیگی سرپرستی امیرخان متقی رهبرلیگیده یوقاری مرتبه‌لی بیر هیأت، اوتگن هفته پنج‌شنبه کونی افغانستان تینچلیگی بوییچه آمریکا خاص نماینده‌سی بیلن سوزلش اوچون قطر پایتختی دوحه کیتگن. ایکی تامان هیأت‌لری بوگون تورلی موضوعلر خصوصیده صحبت اوتکزیشی گه قرار قیلینگن.
آمریکا تشقی ایشلر وزیرلیگی نینگ ایتیشیچه، اسلامی امارت رسمی‌لری بیلن ترورچیلیککه قرشی کوره‌ش، افغانستان گه انسان دوستلیک یاردملر، بو مملکت اقتصادی وضعیتی و آمریکا یشاوچی‌لری و شونینگدیک آمریکالیکلرنینگ افغان همکارلری نی تینچ بیر شکلده چیقیشی خصوصیده صحبت اوتکزیله‌دی.
بیراق اسلامی امارت سوزلاوچی‌لری نینگ ایتیش‌لریچه، دوحه کیلیشوونامه‌سی، افغانستان پوللرنینگ آزاد ایتیلیشی و افغانستان ده آمریکا دیپلماتیک فعالیت‌لری نینگ دوام تاپیشی بحث اوتکزیله‌دیگن موضوع‌لردن دیر.
سیاسی ایش بیلرمانلرنینگ ایشانچ‌لریگه کوره، اسلامی امارت بیلن اوتکزیلگن سوزلشوولر یالغیز آمریکانینگ خواطرلرینی رفع قیلیش اوچون دیر و دنیا جماعه‌چیلیگی نینگ شرط‌لری طالبان تامانیدن پوره بولگونگه قدر، اولرگه قرشی باسیم‌لر دوام تاپیشی ممکن.
سیاسی ایش بیلرمان‌لردن بیری سیدباقر محسنی نینگ ایتیشیچه، اسلامی امارت رهبرلری نینگ عملکردلری بو حکومت نینگ تقدیری نی بیللی قیله‌دی و سوزلشوولر ایکی تامان نینگ رسمی موضعی گه هیچ قنده‌ی تأثیر قویمه‌یدی.
افغانستان ده اسلامی امارت حاکم بولگنیدن اوچ آی اوتماقده، بیراق حاضرگچه هیچ بیر مملکت طالبان حکومتی نینگ رسمیت گه تانیمه‌گن. دنیا جماعه‌چیلیگی طالبان نینگ رسمیت گه تانیش اوچون، ترورچیلیککه قرشی کوره‌ش، همه شمول حکومت تشکیل ایتیلیشی و انسان حقلری اینیقسه عیاللرنینگ حقوقی گه حرمت قایل بولیش نی شرط قویگن.
