مدنی فعال و یازوچی عماد دوران عایله اعضالری نینگ ایتیشلریچه، اونینگ قولگه آلینگنیدن نیچه کون اوتگنی بیلن، حاضرگچه اولر گه هیچ بیر معلومات ارائه بولمهگن.
عماد دوران ایناغهسی شهاب الفت نینگ سلاموطندار گه ایتیشیچه، ایناغهسی نیچه کون آلدین کابل شهری نینگ ۱۷_خوفسیزلیک حوزهسیدن قولگه آلینگن، بیراق حاضرگچه اوندن هیچ بیر خبر یوق.
بیزلرنینگ توییترده هم تعقیب قیلینگ!
اونینگ کوپهیتیریشیچه، ایناغهسی ۵ کوندن بیری اسلامی امارت اسارتیده دیر و اونینگ قولگه آلگن کیشیلر اوزلری نی اسلامی امارت استخبارات کوچلری دیب تانیشتیرگنلر.
شهاب الفت گه کوره، ایناغهسی نینگ نیمه اوچون، نیرگه انتقال بیریلگنی و قندهی وضعیتده بولگنی بیللی ایمس. گزارشلر اساسیده، عماد دوران اسلامی امارت و جمهورلیک تیزیمیدن تنقید قیلهدیگنلردن ایکن.
بیزلرنینگ فیسبوک صحیفهمیزگه باش اورینگ!
دوران سونگی مورده، نیچه کون آلدین هم اسلامی امارت گه خطاب قیلیب تنقیدی بیر متن یازگن ایکن که «اوروش نینگ یکونلنیشی نی ایستهگنلرینگیز صورتده، سیاسی فعاللر گه سیاسی فعالیتلری اوچون رخصت بیرینگلر.»
بو توغریده کابل امنیه قومندانلیگی نینگ فکری نی آلیش ایستهدیک؛ بیراق اوشبو نهاد مسئوللری خبرسیزلیکلری نی بیلدیرگنلر. شونینگدیک اسلامی امارت استخبارات ریاست رئیسی کیینمه کیین قونقیراغلریمیز گه جواب قیتهرمهگنلر.