بیرلشگن ملتلر تشکیلاتی، اوشبو تشکیلات عمومی مجمع‌سیده افغانستان چوکی‌سی طالبان سرپرست حکومتی گه تاپشیریلمه‌یشی خصوصیده قرار آلگن. اوشبو قرار چهارشنبه کونی ۱۰- قوس بیرلشگن ملتلر تشکیلاتی نینگ خاص کمیته‌سی آرقه‌لی آلینگن.
مذکور چوکی گه طالبان سرپرست حکومتی نینگ نامزدی سهیل شاهین، پنجشنبه کونی ۱۱- قوس توییتر صحیفه‌سیده بیرلشگن ملتلر تشکیلاتی نینگ بو قراری گه اعتراض کورستگن.
اونینگ ایتیشیچه، مذکور قرار «اصل و عدالت» گه استوار ایمس و «افغانستان اهالیسی نینگ قانونی حقی» نقض ایتیلگن.
او بیرلشگن ملتلر تشکیلاتی بو چوکی نی تیزلیککه طالبان سرپرست حکومتی نینگ نماینده‌سیگه تاپیشیریشی خصوصیده امید بیلدیرگن.
بیزلرنینگ فیسبوک صحیفه‌میزگه باش اورینگ!
سهیل شاهین گه کوره، بیرلشگن ملتلر تشکیلاتی نینگ عمومی مجمعی چوکی‌سی طالبان سرپرست حکومتی گه تاپشیریلیشی افغانستان اهالیسی نینگ قیینچلیک‌لری حل ایتیلیشی و دنیا بیلن یخشی تعامل قیلیش گه زمینه یره‌ته‌دی.
ایتیش کیره‌ک که طالبان سرپرست حکومتی کمیده ایکی ییل آلدین سهیل شاهین نینگ نماینده‌لری صفتیده بیرلشگن ملتلر تشکیلاتی گه تکلیف بیرگن ایدی.
بوندن آلدین غلام‌محمد اسحاق‌زی بیرلشگن ملتلر تشکیلاتی نینگ عمومی مجمعی ده افغانستان نماینده‌سی ایدی، بیراق او بو مجمع ده بیانات بیریش دن واز کیچدی.
