اوتگن کون دولت رسمی‌لریدن قطاری رسانه‌یی نهادلر و دولت نماینده‌لری نینگ حضوری بیلن بیر ییغین یولگه قوییب و رسانه‌لرنینگ فعالیتیدن تنقید قیلیشگن. اولر رسانه‌لردن، ملی منفعت‌لرگه توجه قیلیش بیلن دولت گه قرشی قوراللی گروه‌لرنینگ فایده‌سیگه تبلیغ قیلیشدن واز کیچیش‌لرینی سوره‌شدی.
مذکور ییغینده حکومت نماینده‌لری نینگ اورغولشیچه، رسانه‌لر نشرات‌لریگه ملی منفعت‌لرگه توجه قیلسین، عکسینچه حالده اولر رسانه‌یی جرم گه چلینیب و قانون اساسیده یول باریله‌دی.
عین حالده، افغانستان ایرکین میدیالریدن حمایت قیلووچی نهاد یا-ده نی اوشبو بیانات گه عکس‌العمل کورسه‌تیب و ایتیشیچه، بو بیانات اخطاررقم بیان ایتیلگن.
بیزلرنینگ فیسبوک صحیفه‌میزگه باش اورینگ!
بو نهاد نینگ ایتیشیچه، حکومت نینگ اوشبو عکس‌العملی رسانه‌لر برابریده چیکلاو یره‌تیش نی کورسته‌دی و حکومت آچیق شکلده خصوصی رسانه‌لرنینگ نشراتی گه چیکلاو یره‌تیش نی ایسته‌یدی.
نی نینگ ایتیشیچه، حکومتی خصوصی رسانه‌لرنینگ خلاف‌کارلیگی گه متوجه بولگن صورتده، اونینگ قانون اساسیده تیکشیریشی کیره‌ک و رسانه‌لرنینگ نشراتی گه چیکلاو یره‌تیش بیلن ناقانونی ایش قیلمه‌یشی کیره‌ک.
افغانستان ایرکین میدیالریدن حمایت قیلووچی نهاد یا-ده نی باشلیغی عبدالمجیب خلوتگر نینگ ایتیشیچه، افغانستان رسانه‌لری اوتگن ۲۰ ییل ده اینگ یمان وضعیت نی تجربه قیلماقده.
اونینگ کوپه‌یتیریشیچه، طالبان نظارتیده‌گی منطقه‌لرده رسانه‌لر برابریده کوپینچه چیکلاولر یره‌تیلگن و شونینگدیک خبرچیلر تهدید بیلن روپه‌رو بولگن.
بیزلرنینگ توییترده هم تعقیب قیلینگ!
نی نینگ معلوماتی اساسیده، تورلی ولایت‌لرده طالبان نظارتیده‌گی منطقه‌لرده ۲۰ محلی رسانه نینگ فعالیتی توخته‌گن.
شونده‌ی بیرحالده، سونگی پیت‌لرده مملکتده زوروانلیکلر و اوروش کوپه‌یشی و شونینگدیک تومن‌لردن قطاری طالبان قولیگه سقوط قیلیشی بیلن اجتماعی ترماق‌لرده قرشی گروه‌لر تامانیدن کوپینچه تبلیغاتی پیام ترقه‌تیله‌دی.
حاضر حکومت رسانه نماینده‌لری و خبرچیلر بیلن صحبت اوتکزیب و رسانه‌لرنینگ نشراتی قنده‌یلیگی و قانون اساسیده معلومات ییتکزیش خصوصیده بحث قیلگن.