وال‌استریت ژورنال کونده‌‌لیگی بیرگزارش آرقه‌لی ایتیشیچه، افغانستانلیک مهاجرلر آمریکا گه ییتیشیش اوچون ییل‌لرچه منتظر قالیش‌لری ممکن.
مذکور کونده‌لیک نینگ گزارشی اساسیده، «عاجل چیقیش برنامه» جریانیده افغانستاندن باشقه مملکت‌لرگه انتقال بیریلگن افغانستان یشاوچی‌لرین بیر قطاری، آمریکا گه ییتیشیش‌لری اوچون ییل‌لرچه منتظر قالیب و سرگردان بولیش‌لری ممکن.
مهاجر‌لرنینگ افغانستاندن قاچیشی گه یاردم قیلگن گروه‌لرنینگ معلوماتی اساسیده، حکومت سقوط قیلگنیدن کیین، کابل‌دن تخلیه بولگن افغانستان یشاوچی‌لریدن مینگ‌لرچه‌سی باشقه مملکت‌لرده ییل‌لرچه سرگردان بولیش‌لری ممکن.
مهاجرلر نینگ باشقه مملکت‌لرده سرگردان و منتظر قالیش‌لری نینگ دلیلی، باش پناه ایزلاوچی‌لرنینگ دوسیه‌لرینی تیکشیرووچی سیستمی ده ایش کوپلیگی دیگن.
آلبانی، شیلی، مقدونیه و اوگاندا، آمریکا گه یتیشیش اوچون مهاجر‌لرگه موقتی شکلده پناه بیرگن مملکت‌لردن دیر.
بیزلرنینگ فیسبوک صحیفه‌میزگه باش اورینگ!
شونینگدیک، چیقیش برنامه جریانیده افغانستاندن قاچگن یوز‌لرچه افغانستان یشاوچی‌سی، عرب قوشمه امارات مملکت‌لری و قطر ده آمریکا گه انتقال تاپیش‌لرینی کوتیب تورگن.
ینگی‌لیکده عرب قوشمه اماراتی نینگ ابوظبی شهریده مهاجرلر کمپیده حیات کیچیره‌دیگن افغانستان مهاجر‌لریدن قطاری، تقدیرلری بیللی بولمه‌گنی و انتقال بیریش پروسه نینگ سیکین‌لیگی خصوصیده اعتراض قیلیشگن.
آمریکا حکومتی نینگ ایتیشیچه، افغانستان باش‌پناه ایزلاوچی‌لری نینگ وضعیت‌لری نینگ تیکشیریش اوچون، ینگی میلادی ییل باشلنگونگه قدر باشقه مملکت‌لر یشاوچی‌لری نینگ مهاجرتی دوسیه‌لرینی تیکشیریش دن وازکیچه‌دیلر.