آمریکا حربی‌لری نینگ قوشمه ستاد باشلیغی جنرال مارک میلی، آمریکا حربی‌لری نینگ افغانستان دن چیققنیدن کیین یولگه قویگن بیرینچی خبری ییغینده نطق سوزلب و افغانستان ده داعش نینگ حضوری نی جدی خطر دیگن.
آمریکا حربی‌لری نینگ قوشمه ستاد باشلیغی نی کوپه‌یتیریشیچه، گرچند حاضرگچه بیللی ایمس که طالبان اوزگرگن می یا یوق، بیراق آمریکا بو گروه نینگ ترورچیلیک اینیقسه داعش گروهی گه قرشی عملیات‌لرگه همکارلیک قیلیشی نینگ احتمالی بار. «آمریکا کیله‌جکده ترورچیلیککه قرشی گروه‌لرگه طالبان گه همکارلیک قیلیشی نینگ احتمالی بار.»
عین حالده، طالبان نینگ ایتیشیچه، بو گروه یالغیزلیککه هم هر قنده‌ی عملیات یولگه قوییش و ترورچیلیککه قرشی کوره‌شه آله‌دی و آمریکا بیلن قوشمه عملیات یولگه قوییش هیچ کیره‌ک ایمس دیر.
بیزلرنینگ فیسبوک صحیفه‌میزگه باش اورینگ!
طالبان گروهی سوزلاوچیسی ذبیح‌الله مجاهد نینگ اورین‌باسری بلال کریمی نینگ سلام‌وطندارگه ایتیشیچه، «مملکت هر بولیمیده هر قنده‌ی قیینچلیک و مزاحمت بولگن صورتده، اسلامی امارت مجاهدلری عمل گه کیریب و بو قیینچلیک نی نابود قیله آله‌دی. اوز توپراغیده باشقه بیری کیشی بیلن اویغونلیک قیلیب عملیات یولگه قوییش هیچ کیره‌ک ایمس.»
سوال بو ییرده که آمریکا نینگ طالبان گروهی گه بونده‌ی بیر ریجه تکلیف بیریشدن مقصدی نیمه دیر؟
سیاسی ایش بیلرمانلرنینگ ایتیش‌لریچه، آمریکا اوز فایده‌سی نینگ تعقیب قیله‌دی و اوز مقصدی گه ایریشیش اوچون هر یولدن فایده‌لنیشی ممکن و افغانستان نینگ وضعیتی نی قنده‌یلیگی آمریکا گه هیچ اونملی ایمس.
سیاسی ایش بیلرمان و بیلیم یورت استادی مصطفی علی‌زاده نینگ سلام‌وطندارگه ایتیشیچه، آمریکا افغانستان موضوعی برابریده صادقانه عمل قیلمه‌یدی و شونینگدیک ترورچیلیک گروهلر اینیقسه داعش نینگ نابود ایتش اوچون بو مملکت رسمی‌لری نینگ هر قنده‌ی بیاناتی یلغان دیر.