باش‌پناه ایزلاوچیلر ایش‌لری بوییچه بیرلشگن ملتلر عالی کمیشنری (UNHCR) بیر اعلامیه ترقه‌تیب و آگاه‌لنتیریشیچه، افغانستان ده انسانی فاجعه کوپه‌یماقده و اوشبو مملکتده آچلیک نظیری کورینمه‌گن درجه گه ییتیشگن.
مذکور نهاد سوزلاوچیسی بابر بلوچ نینگ ایتیشیچه، افغانستانده کمیده ۲۳ میلیون کیشی آچلیک بیلن روپه‌رو دیر که بوجمله‌دن ۹ میلیون کیشی نی قحط‌چیلیک خطری تهدید قیلماقده.
شونینگدیک باش‌پناه ایزلاوچیلر ایش‌لری بوییچه بیرلشگن ملتلر عالی کمیشنری نینگ کوپه‌یتیریشیچه، افغانستانده اوروش و ناتینچلیک باعث، ۳.۵ میلیون افغان بیجا بولگن که بو قطار کیشیلر قیش موسمی‌ده تیریک قالیش‌لری اوچون تیارگرلیک‌لری یوق.
اوشبو تشکیلات گه کوره، بیجا بولگن عایله‌لر باش پناه یوقلیگی، ایسیق کییم و ایسیق بولیش اوچون نفت یوقلیگی گه روپه‌رو دیر و ییترلیچه ییگولیک ماده و باشقه دستلبکی نیازلرگه قول تاپه‌آلمه‌گنلر.
بیزلرنینگ فیسبوک صحیفه‌میزگه باش اورینگ!
بیراق اسلامی امارت مسئوللری مذکور گزارش و بیانات نی رد قیلیب ایتیش‌لریچه، خلق‌ارا نهادلر افغانستان وضعیت نی کوپ یمان بیر شکلده گزارش بیریشه‌دی.
اسلامی امارت سوزلاوچیسی نینگ اورین باسرلریدن بیری بلال کریمی نینگ سلام‌وطندارگه ایتیشیچه، وضعیت دن اونچه‌لیک خواطر یوق و زیان یتیشگن کیشیلرگه هم یاردم یتیشتیریش اوچون سعی و حرکت‌لرنینگ نینگ دوامی بار.
شونده‌ی بیرحالده، خلق‌ارا قیزیل خاج و قیزیل آی جمعیت‌لر فدراسیونی نینگ اعلام قیلیشیچه، سونگی دهه‌لرده افغانستان اینگ یمان قوروقچیلیک و آچلیک فاجعه‌سی بیلن قرار تاپگن و بو مملکت نینگ نظیری بولمه‌گن بیر انسانی فاجعه تهدید قیله‌دی.
