آمریکا، آسترالیا، هند و جاپان مملکت‌لری نینگ رهبرلری اوتگن کون (QUAD) منطقوی امنیت توغریسیده یولگه قوییلگن قوشمه ییغیندن کیین، قوشمه بیر بیانیه نشر قیلیش بیلن، طالبان گروهیدن افغانستان دن چیقه‌دیگن افغانلرگه تینچ یول ایجاد قیلیش‌لرینی سوره‌گن.
شونینگدیک مذکور بیانیه‌ده طالبان گروهیدن، برچه افغانستانلیکلر اینیقسه عیاللر، باله‌لر و اقلیت‌لرنینگ انسانی حق‌لرینی رعایت قیلیش‌لرینی سوره‌گن. آق سرای تامانیدن نشر قیلینگن اوشبو بیانیه اساسیده،(QUAD) ییغینیده افغانستان ده ترورچیلیککه قرشی کوره‌ش نینگ اونملی بولگنی و افغانستان ترورچیلیک گروه‌لرنینگ تینچ اویه‌سی صفتیده اوزگرمه‌سی خصوصیده بحث قیلینگن.
مذکور ییغینده افغانستان ده باشقه مملکتلرگه هجوم قیلینیشی، ترورچیلرگه پناه بیریش یا تعلیمات بیریش و ترورچیلیک اقدام‌لرنی مالی تأمین‌لش اوچون قوللنمه‌سی کیره‌ک.(QUAD) گه اعضا مملکتلرنینگ رهبرلری مذکور ییغینده ایتیشیچه، افغانستان برابریده دیپلماتیک، اقتصادی و انسانی حقلری سیاست‌لرینی اویغون بیر شکلده آلغه آلیب باریش‌لرینی سوره‌گن.
بیزلرنینگ فیسبوک صحیفه‌میزگه باش اورینگ!
شونینگدیک اولرنینگ اورغولشیچه، بیرلشگن ملتلر تشکیلاتی نینگ ۲۵۹۳ قطع‌نامه‌سی اساسیده، کیله‌جک آی‌لرده تروروچیلیککه قرشی کوره‌ش برنامه و شونینگدیک انسان‌دوستلیک یاردم‌لرنی کوپه‌یتیریش‌لری ممکن. آمریکا، آسترالیا، جاپان و هند مملکت‌لری نینگ قوشمه بیانیه‌سینی بیر بولیمیده کیلیشیچه، اولر بو گروه‌لرنی حمایت قیله‌دیگن هر قنده‌ی ترورچیلیک گروه‌لرنی لوژستیکی، مالی یا حربی حمایتی نی قاره‌له‌یدی.
بولرگه علاوه، سوو و هوا فاجعه‌سی، منطقوی امنیت قیین‌لیگی و آسیا جنوبی ده ترورچیلیککه قرشی کوره‌ش (QUAD) ییغینیده بحث گه آلینگن موضوع‌لردن دیر.
