جوزجان ده طالبان نینگ معلومات و مدنیت ریاست مسئوللری، قطار رسانه‌لر مسئوللری بیلن صحبت اوتکزیب ایتیشیچه، رسانه‌لر کونده‌لیک برنامه‌لرینی نشر ایتیلمسدن آلدین تیکشیروو اوچون بو ریاست گه یوباریش‌لری کیره‌ک.
هلال بلخی ینگی‌لیکده طالبان تامانیدن جوزجان معلومات و مدنیت ریاست سرپرستی صفتیده تعیین ایتیلگن. بلخی نینگ ایتیشیچه، تیارلنگن برنامه‌لر تیکشیروودن کیین نشر ایتیلیشی ممکن.
اونینگ کوپه‌یتیریشیچه، بولرگه علاوه هیچ بیر رسانه اویغونلیک بولمسدن شهر دن گزارش تیار قیله آلمه‌یدی. اونگه کوره، رسانه‌لر بو نکته‌لرنی مراعت قیلیش بیلن اوز فعالیت‌لرینی ترتیب‌لب و موسیقی نشر ایتیشدن واز کیچیش‌لری کیره‌ک.
بیزلرنینگ فیسبوک صحیفه‌میزگه باش اورینگ!
عین حالده، رسانه مسئوللریدن قطاری نینگ ایتیش‌لریچه، جلسه نینگ قراری اساسیده عمل قیله‌دی و تیارلنگن برنامه‌لرنی تیکشیروو اوچون معلومات و مدنیت ریاستی گه یوباره‌دیلر.
