فرانسه خبرگزارلیگی نینگ گزارش بیریشیچه، قندهار شهریده «امام‌بارگاه فاطمیه» مسجدی ده یوزبیرگن بیر پارتلش نتیجه‌سیده، ۳۲ کیشی هلاک و باشقه ۵۳ کیشی ایسه یره‌لنگن. بو رقم نهایی ایمس و تلفات رقمی نینگ کوپه‌یش احتمالی بار. حادثه شاهدلری نینگ ایتیش‌لریچه، بو پارتلش نینگ کوپینچه تلفاتی بار.
مذکور پارتلش بوگون توشدن کیین قندهار شهری نینگ بیرینچی خوفسیزلیک حوزه‌سیده «امام‌بارگاه فاطمیه» مسجدی نینگ نمازگزارلری آره‌سیده، جمعه نمازینی اوقیش پیتده یوزبیرگن. «امام‌بارگاه فاطمیه» مسجدی قندهار نینگ شیعه‌لریگه تیگیشلی دیر. بو پارتلش عاملی حاضرگچه بیللی بولمه‌گن؛ بیراق خودکش هجوم بولگنی گمان قیلینگن.
حادثه یره‌دارلریدن بیری نینگ فرانسه خبرگزارلیگی گه ایتیشیچه، او اوچ پارتلش نینگ سیسی نی ایشیتگن. ایتیلیشیچه، پارتلش یوزبیرگن پیتده مسجد نمازگزاردن تولیق ایکن و پارتلش دن کیین کمیده ۱۵ آمبولانس حادثه محلیده کوریلگن.
بیزلرنینگ فیسبوک صحیفه‌میزگه باش اورینگ!
منبعلرنینگ ایتیش‌لریچه، حادثه یره‌دارلری قندهار میرویس کسلخانه‌سیگه انتقال بیریلگن. قطار رسانه‌لرنینگ گزارش بیریش‌لریچه، اسلامی امارت ایچکی ایشلر وزیرلیگی سوزلاوچیسی سعید خوستی، مذکور حادثه تیکشیریلیشی اوچون خاص کوچلر محل گه یوباریلگنی نی ایتگن.
شونده‌ی بیرحالده، اوتگن جمعه هم قندوز شهری نینگ «سیدآباد گذری نینگ جامع مسجدی» ده نماز اوقیدیگنلر آره‌سیده یوزبیرگن پارتلش ده ۵۰ دن آرتیق کیشی هلاک و ۱۵۰ دن آرتیق کیشی یره‌لنگن ایدی. بو هجوم مسئولیتی نی داعش گروهی نینگ خراسان شاخه‌سی بوینیگه آلگن ایدی.
