هلمند ولایتیدن محلی بیر منبع نینگ ایتیشیچه، بوگون “شنبه” ایرتهدن چاغیده پارتلش ماده یوکلنگن بیر موتر اوشبو ولایت پولیس قومندانلیگی یقینیده پارتلهتیلگن و نتیجهده ایکی کیشی هلاک و باشقه ۸ کیشی یرهلنگن.
محلی بیر منبع نینگ کیملیگی سیرقالیشنی ایستهب سلاموطندارگه ایتیشیچه، مذکور پارتلشده هلمند ولایتی بوییچه ملی خوفسیزلیک ریاستی نینگ قارهلاوچیلیک باشلیغی سیدمحمود سادات و باشقه بیر کیشی هلاک و بیر عیال شامل باشقه ۸ کیشی یرهلنگن.
عینحالده، باش قارهلاوچیلیک ادارهسی سوزلاوچیسی جمشید رسولی نینگ ایتیشیچه، اوشبو پارتلشده بیر حربی هلاک و جناب سادات نینگ ایکی قوروقچیسی یرهلنگن.
هلمند پولیس قومندانلیگی سوزلاوچیسی محمدزمان همدرد اوشبو واقعهنی تصدیقلگن، لیکن کوپراق معلومات بیرمهگن.
حاضرگهقدر هیچبیر گروه یا-ده کیشی بو واقعه مسوولیتینی بوینیگه آلمهگن.