آمریکا جمهوررئیسی جو بایدن نینگ ایتیشیچه، افغانستان ده حاضر هم وضعیت اوزگریشی و طالبان نینگ مغلوب بولیشی نینگ امکانی بار و افغانستان رهبرلری بیر بولیب و بو مملکت امنیتی و مدافعه کوچلری اوزلری و ملت‌لری اوچون کوره‌شیش‌لری کیره‌ک.
آمریکا جمهوررئیسی اوتگن کون آق سرای ده یولگه قوییلگن خبری بیر ییغینده بونده‌ی بیانات بیریب و ایتگن که افغانستان نینگ جدی مدافعه وزیری بار و افغانستان امنیتی کوچلری نینگ سانی طالبان جنگری‌لریگه نسبتن کوپ دیر. او مدافعه وزیرلیگی سرپرستی جنرال بسم‌الله محمدی دن «جدی بیر جنگچی» دیب ایسله‌گن.
بایدن گه کوره، افغانستان امنیتی کوچلری زمانوی جهازلر بیلن جهازلنگن و اولر اوزلری و ملتی اوچون کوره‌شیش‌لری کیره‌ک. آمریکا جمهوررئیسی نینگ اورغولشیچه، بو مملکت افغانستان هوایی کوچلریدن حمایت قیلیش و شونینگدیک مذکور مملکت امنیتی کوچلرینی جهازلش توغریسیده بیرگن وعده‌لریگه پابند دیر.
بیزلرنینگ فیسبوک صحیفه‌میزگه باش اورینگ!
شونینگدیک بایدن آمریکا نینگ افغانستان اوروشی اوستیگه قیلگن هزینه‌سیگه اشاره قیلیب ایتیشیچه، آمریکا نینگ افغانستان دن چیقیش پروسه‌سیگه اوزگریش‌لیک کیلمه‌گن و حاضر افغانستان رهبرلری بیربیراولری نینگ یانیده توریب و اوزلری و افغانستان اهالیسی اوچون طالبان گه قرشی کوره‌شیش‌لری کیره‌ک.
آمریکا جمهوررئیسی نینگ کوپه‌یتیریشیچه، حربی‌لری نینگ افغانستان دن چیقاریش خصوصیده آلگن قراریدن پشیمان ایمس دیر.
جوبایدن بونده‌ی بیانات بیرگن بیرحالده، طالبان حاضرگچه کمیده ۱۰ ولایت مرکزی نینگ نظارتگه آلگن. آمریکا طالبان گه ولایتلرنینگ مرکزی نی نظارتگه آلیش بو گروه نینگ خلق‌ارا مشروعیت گه ییتیشتیرمه‌یدی و اولرنینگ مذاکره میزی گه حاضر بولیش‌لری خصوصیده آگاه‌لنتیرگن.
شونده‌ی بیرحالده، مملکت جمهوررئیسی محمداشرف غنی، مملکت شمال حوزه‌سی نینگ عمومی وضعیتی نی تیکشیریش اوچون بلخ کیتگن. او بلخ سیاسی و جهادی سیمالریدن قطاری بیلن اوچره‌شیب و امنیتی و مدافعه کوچلر آستیده مردمی خیزش نینگ کوچلنتیریش، حمایت قیلیش و بسیج قیلیشی خصوصیده سوزلشگن.
