جمهورلیک ریاستی نینگ اعلان قیلیشیچه، مملکت جمهور رئیسی محمداشرف غنی آمریکا جمهور رئیسی جو بایدن بیلن تلفون آرقه‌لی صحبت اوتکزگن.

جمهورلیک ریاستی تامانیدن نشر ایتیلگن خبرنامه‌ده ایتیلیشیچه، جمهور رئیس غنی و جو بایدن اوتگن “جمعه” کونی شام چاغیده تلفون آرقه‌لی صحبت اوتکزیب، ایکی تامانلمه رابطه دوام تاپیشی خصوصیده بحث قیلگنلر.

خبرنامه‌ده ایتیلیشیچه، آمریکا جمهور رئیسی افغانستان امنیتی و دفاعی کوچلریدن حمایت قیلیش‌گه دوام بیریشیدن ایشانچ بیرگن. بایدن نینگ تاکید قیلیشیچه، افغانستان امنیتی و دفاعی کوچلری اوز مملکت‌لریدن محافظت و دفاع قیله‌دی.

شونینگدیک، ایکی مملکت جمهور رئیس‌لری تینچلیک تامین‌لنیشی اوچون افغانستان‌لیکلرنی قوشمه سعی و حرکت‌لری، افغانستان دولتی گه دیپلماتیک و اقتصادی یاردم‌لر دوام قیلیشی و سونگی ایکی دهه‌ده‌گی یوتوقلر خصوصیده بحث قیلگن‌لر.

بوندن آلدین آمریکا جمهور رئیسی افغانستانده بولگنی دواملی اوروش‌نی یکونلنتیریشی‌نی بیلدیرگن ایدی. بایدن نینگ بویروغی گه کوره، آمریکالیک حربی‌لرنی کیله‌سی بیر آی گچه افغانستان‌نی کامل صورتده، ترک قیلیش‌لری ممکن.

مرتبط با این خبر:

شریک قیلینگ:
خبر اوقووچی
تیگیشلی خبرلر و تحلیل‌لر

سلام‌وطندار خبرلری و گزارش‌لری نینگ اجتماعی ترماق‌لردن تعقیب قیلینگ:

فیسبوک

توییتر

تلگرام