آسترالیا ده یشه‌یدیگن افغانلردن قطاری، هرات ده ساغلیک سیستمی نینگ بوزیلیشی نی آلدینی آلیش اوچون، ۲۰۰ داکتر و بو ولایت حوزوی کسلخانه‌سی نینگ ایشلاوچی‌لریگه بیر میلیون افغانی یاردم بیرگن.

هرات ده آسترالیا ده یشه‌یدیگن افغانلرنینگ «همکارلیک» انجمن نماینده‌سی سیدحمیدالله سادات، بوگون توشدن کیین بیر برنامه‌ده ایتیشیچه، گرچند اولرنینگ یاردمی برچه ساغلیک بولیم‌لری نینگ ایشلاوچی‌لرینی قیینچلیک‌لرینی حل قیله آلمه‌یدی، بیراق اولر هرات حوزوی کسلخانه‌سی نینگ فعالیتی دوام تاپیشی اوچون بو یاردم‌لرنی ترقتگنلر.

اونگه کوره، بو یاردم بیر میلیون افغانی دیر و هرات حوزوی کسلخانه‌سی نینگ ۲۰۰ داکتری و ایشلاوچیسی گه ترقه‌تیله‌دی. «بو پول دن هر بیر کیشی گه ۵ مینگ افغانی بیریله‌دی.»

بیزلرنینگ فیسبوک صحیفه‌میزگه باش اورینگ!

عین حالده، نیچه کون آلدین هرات ساغلیک مسئوللری بو ولایتده ساغلیک خذمتلرنی ترقه‌تیش پروسه‌سی نینگ بوزیلیشیدن خبر بیرگن ایدی.

شونده‌ی بیرحالده، هرات حوزوی کسلخانه‌سی نینگ داکترلری و ایشلاوچی‌لریدن قطاری بو یاردم‌لرنینگ ترقه‌تیلگنیدن قدردانلیک قیلیب و ایتیش‌لریچه، اولر هر قنده‌ی وضعیت گه یاردم بیریش اوچون تیارلر.

هرات حوزوی کسلخانه‌سی نینگ ایشلاوچی‌لریدن بیری وکیل‌احمد نینگ ایتیشیچه، «واقعن فقر همه‌میزنی اوستی‌میزگه کیلگن. بو ییرنی ترک قیلسک، تشقری گه بیر ایش یوق. تشقری کیتسک بو ییر قاله‌دی. واقعن که بیزلرنینگ دردی‌میز کوپ دیر. اسلامی امارت دن تیزلیککه افغانستان ساغلیک ایشلاوچی‌لریگه توجه قیلیشی نی سوره‌یمیز.»

باشقه بیر تاماندن هرات حوزوی کسلخانه‌سی نینگ باش داکتری عارف جلالی نینگ ایتیشیچه،‌ بو ولایتده ساغلیک ایشلاوچی‌لری کمیده ۴ آیدن بویان معاش آلمه‌گن و اولر کیله‌جک نیچه کونده ایشلاوچیلرنینگ ایکی آی‌لیک معاشی نی بیریش اوچون حرکت قیله‌دی.

هرات حوزوی کسلخانه‌سیده ۸۵۰ دن آرتیق کیشی رسمی ایشلاوچی صفتیده، غرب حوزه‌سی نینگ ایشلاوچی‌لریگه خذمت ترقه‌تیش بیلن شغللنگن.

مرتبط با این خبر:

شریک قیلینگ:
خبر اوقووچی
تیگیشلی خبرلر و تحلیل‌لر

سلام‌وطندار خبرلری و گزارش‌لری نینگ اجتماعی ترماق‌لردن تعقیب قیلینگ:

فیسبوک

توییتر

تلگرام