یمن حوثیلری، دینگیز عملیاتلری دوامیده، «قیزیل دینگیز»ده سعودی عربستاننینگ ایکی نفت تانکریگه ضربه بیرگنینی معلوم قیلدی.
یمن حوثیلری سوزلاوچیسی یحیا سریع، بوگون (۱ اسد، ۲۳ جولای، پنجشنبه) ایکس اجتماعی ترماغیده بیر بیانیه ترقهتیب، بو نفت تانکرلری حوثیلر تامانیدن دینگیز محاصرهسی قاعدهسینی بوزگنلیگی سببلی نشانگه آلینگنینی بیلدیرگن.
اونگه کوره، مذکور نفت تانکرلری بالستیک، کروز راکتهلری همده درانلر آرقهلی نشانگه آلینگن. سریعنینگ کوپهیتیریشیچه، هجوم موفقیتلی طرزده عملگه آشیریلگن و اونینگ نتیجهسیده ایکیله نفت تانکریده کینگ کولمده یانغین چیققن.
حوثیلر سوزلاوچیسی، «محاصره گه قرشی محاصره» سیاستی دایرهسیده اوشبو گروه کوچلری ینه ۱۰ کیمهنی یونهلیشینی اوزگرتیریش گه و آرتگه قیتیشگه مجبور قیلگنینی ایتگن.
اونینگ تأکیدلشیچه، حوثیلرنینگ سعودی عربستان گه قرشی دینگیز عملیاتی دوام ایتتیریلهدی و شونینگدیک یمن گه قرشی «اویلنمسدن قیلینگن حرکت یا کی تجاوز» سعودی عربستاننینگ حدودیگه قرهتیلگن کینگ کولملی هجوملر بیلن جواب قیتریلیشی حقیده آگاهلنتیرگن.
یمن حوثیلری بوندن اول هم، سعودی عربستا بیلن باغلیق کیمهلر گه نسبتن دینگیز محاصرهسینی «یمن عدالتسیز محاصره» قیلینیشی گه جواباً عملی قیلیشینی ایتگن ایدی.
