هرات ده هوا ساووق‌لیگی کوپه‌یگنی بیرحالده، اوشبو ولایت یشاوچیلریدن قطاری برق‌دن ییترلی شکلده فایده‌لنه آلمسلیک‌لریدن شکایت قیله‌دیلر.
هرات شهری «بکرآباد» منطقه یشاوچیسی سیما‌نینگ سلام‌وطندار گه ایتیشیچه، سونگی کونلر بیر کیچه و کوندوز‌ده یالغیز اوچ-تورت ساعت برق‌دن فایده‌لنه آله‌دیلر. «بیر کیچه و کوندوز ده قیغو بیلن ایکی-اوچ ساعت برقیمیز بار، بعضا ایسه ۴۸ ساعت مکمل برقیمیز یوق. کیلگنی‌ده هم اوچ-تورت ساعت بار و کیچه اوچ بجه کیلیب و ایرتنگ ۷گه قدر بوله‌دی.»
شونینگدیک هرات یشاوچیلریدن باشقه بیری محمد‌علی، برق‌دن فایده‌لنیش خصوصیده‌گی چیکلاودن شکایت قیلیب و ایتیشیچه: «دولت‌دن برق تامین‌له‌یشینی ایسته‌یمیز که بو رقم اهالی قیین‌چیلیکلردن قوتقریلسین.»
بیزلرنینگ فیسبوک صحیفه‌میزگه باش اورینگ!
باشقه بیرتاماندن، هرات یشاوچیلریدن قطاری‌نینگ ایتیشلریچه، سونگی کونلر برق پرچوی‌سی کوپه‌یگنی بیلن اوی‌لرینی ایسته آلمه‌گن؛ چونکه یاقیلغی ماده‌لر قیمتی هم یوقاری دیر.
هرات یشاوچیلریدن باشقه بیری مینا‌نینگ ایتیشیچه، برق پرچوی‌سی کوپه‌یگنی و اقتصادی قیینچیلیکلر، یشش‌نی اونینگ اوچون قیین‌لشتیرگن.
اونینگ کوپه‌یتیریشیچه: «پول‌دار کیشی‌لر جنراتور یاقیب سوو و برق‌نی تامین قیله آله‌دیلر. بیزلرده سووی‌میز هم یوق، برقیمیز هم یوق. باله‌لریم کسل بوله‌دی و کوپ قیین‌چیلیک بیلن روپه‌ره‌میز.»
کوپراق ایران و تورکمنستان وارداتی برقی‌دن تامین‌لنه‌دیگن هرات ده‌گی برق انرژی‌سی، کوپینچه پیت تخنیکی یا-ده باشقه قیینچیلیکلر سبب کیسیلیب و هرات یشاوچیلری‌نی قیینچیلیکلر بیلن روپه‌ره قیلگن که سونگی مورد‌ده اوتگن کونی، هرات گه ایران وارداتی برقی کیسیلیب و بو برق کیسیلیشی نیچه ساعت دوام قیلگن.
بیزلرنینگ «ایکس» ترماغی ده هم تعقیب قیلینگ!
هرات برشنا ریاستی مسئوللری‌نینگ ایتیشلریچه، حاضر ایران و تورکمنستان برقی بو ولایتده باغلنگن.
هرات برشنا ریاستی سوزلاوچیسی محمد‌حنیف ارباب‌زاده، بو ولایتده برق پرچوی‌سی سببی نی برق لین‌لری کوپلیگی دیگن. اونینگ ایتیشیچه: «ایران برقی قیته باغلندی و ایران-هرات وارداتی برقی فعال دیر و یشاوچیلر گه نورمال شکلده ترقه‌تیله‌دی. بعضا منطقه‌لردن قطاری‌ده پرچوی بولیش سببی، ایچکی شبکه‌ده تاپیلگن بیراز تخنیکی قیینچیلیکلر دیر و بیر منطقه‌ده پرچوی بولگنی‌ده ایسه، اونینگ سببی برق لین‌لری‌نینگ کوپلیگی دیر.»
افغانستان برق ییتکزیش شرکتی، اوتگن کونی هرات، فراه و نیمروز ولایت‌لریده برق کیسیلیشی سببی‌نی کوپینچه پیت تخنیکی قیینچیلیکلر دیگن.
