جمهوررئیس غنی بوگون هرات سفر قیلدی، بیراق بو سفر نی پوشش بیریش اوچون خبرچی‌لردن هیچ بیری چقیریلمه‌گن.
شونده‌ی بیرحالده، هرات محلی اداره‌سی خبرچی‌لردن جمهوررئیس سوزلاوچیسی نینگ اورین‌باسری دواخانه مینه پال نینگ خبری ییغینیده قتنه‌شیش‌لرینی سوره‌گن، بیراق خبرچیلر مذکور ییغینده شرکت قیلیش نی خبرچیلر اوچون حرمت‌سیزلیک دیب و جمهوررئیس نینگ سفری نی تحریم قیلیشگن.
هرات خبرچی‌لریدن بیری عبدالله سلجوقی، سوز ایرکین‌لیگی و رسانه‌یی فعالیت‌لر برابریده جمهوررئیس برنامه‌لری نینگ مدیری نی حرکتیدن تنقید قیلیب ایتیشیچه، هرات ده جمهوررئیس نینگ ملاقاتی گه چقیریلگن کیشیلر، دولت تنقیدچی‌لری ایمس و اولر جمهوررئیس نینگ اوز تیمی‌دن دیر.
خبرچیلرنینگ ایتیش‌لریچه، جمهوررئیس تورلی قشرلر جمله‌دن ییگیتلر بیلن اوچره‌ش گه قرار آلگن، بیراق جمهوررئیس نینگ ملاقات‌لریده خبرچیلرگه هیچ ییر یوق و بو خبرچیلر برابریده حرمت‌سیزلیک نی کورسته‌دی.
شونینگدیک هرات ده خبرچی‌لردن حمایت قیلووچی نهادلر، خبرچیلر برابریده‌گی جمهوررئیس نینگ حرمت‌سیزلیگیدن تنقید قیلیب ایتیش‌لریچه، حکومت سوز ایرکین‌لیگی و رسانه‌یی فعالیت‌لردن حمایت قیلیش توغریسیده هردایم شعار بیرگن، بیراق عمل ده هیچ بیر ایش قیلمه‌گن.
شونده‌ی بیرحالده، جمهوررئیس سوزلاوچیسی نینگ اورین باسری دواخان مینه پال نینگ ایتیشیچه، جمهوررئیس هیچ بیر ولایتده رسانه‌لر بیلن خبری ییغین اوتکزمه‌گن.
اونینگ کوپه‌یتیریشیچه، مهمان‌لرنی چقیریش و جمهوررئیس نینگ ملاقات برنامه‌سی محلی اداره آرقه‌لی ترتیب‌لنگن و بو کیچه اتفاق اسلام کونده‌لیگی نینگ یوز ییل‌لیگی نی نشانلش مراسمیده خبرچیلر چقیریلیشی خصوصیده سعی و حرکت قیلینه‌دی.
