بوگون اسلامی امارت سوداگرلیک و صناعت وزیرلیگی مسئوللری «دولت نینگ ملت گه حساب بیریش» برنامه‌سی دوامی‌ده، بیر ییل‌لیک فعالیت‌لری و یوتوق‌لری نی رسانه‌لر بیلن شریک قیلگنلر.
مذکور ییغین‌ده سوداگرلیک و صناعت وزیرلیگی سرپرستی نورالله عزیزی نینگ ایتیشیچه، کیله‌جک کون‌لرده افغانستان سوداگرلریدن بیر قطاری نینگ روسیه، اوزبیکستان و قزاقستان مملکت‌لری گه سفر قیلیش‌لری خصوصیده قرار آلینگن.
بیزلرنینگ توییترده هم تعقیب قیلینگ!
اوشبو وزیرلیک سرپرستی نینگ ایتیشیچه، سوداگرلر نینگ سفری‌دن مقصد افغانستان ایچکی محصول‌لری نینگ سوداگرلیگی و سوداگرلر نینگ مذکور مملکت‌لر سرمایه یاتقیزووچیلری بیلن اوچره‌شووی دیر.
عزیزی نینگ ایتیشیچه، مذکور وزیرلیک اوتگن بیر ییل جریانیده، ۱ میلیارد ۳۶۴ میلیون دالر صادرات قیلگن. اونینگ کوپه‌یتیریشیچه، اوشبو وزیرلیک دستلبکی ماده‌لر نینگ ساتیب آلینیشی خصوصیده سرمایه یاتقیزووچیلر نینگ حواله قیینچیلیکلری نی مکمل شکلده حل قیلیب و شونینگدیک سوداگرلر نینگ ایران، چین و پاکستان مملکت‌لریده بولگن تجارتی ویزه خصوصیده‌گی قیینچیلیکلری هم حل بولگن.
سوداگرلریک و صناعت وزیرلیگی سرپرستی نینگ کوپه‌یتیریشیچه، اوتگن بیر ییل‌ده افغانستان ده ۱ میلیون مترمربع قالین و گیلم ایشلب چیقاریلگن. اونگه کوره، اوتگن بیر ییل‌ده، مملکت‌ده ۶۳۰۰ سوداگرلیک جواز صادر بولگن که، اولردن ۱۰۰ جوازی خارجی شرکت‌لر گه تیگیشلی دیر.
شونینگدیک اوشبو وزیرلیک نینگ سوداگرلیک و صناعت ایشلری بوییچه معینی قدرت‌الله جمال، ولایت‌لردن قطاری‌ده ۱۴ صنعتی پارک نینگ توزه‌تیلیشی‌دن خبر بیرگن. اونینگ کوپه‌یتیریشیچه، ۲۷۲ جریب ییر صنعتی پارک‌لر اوچون اختصاس بیریلگن.
بیزلرنینگ فیسبوک صحیفه‌میزگه باش اورینگ!
سوداگرلیک و صناعت وزیرلیگی مسئوللری نینگ ایتیش‌لریچه، حاضر ایسه افغانستان ده تولیدی فابریکه‌لردن ۷۵ فایزی فعال دیر؛ شونده‌ی بیرحالده، اسلامی امارت نینگ قدرت گه ایریشگنیدن بیری، فابریکه‌لردن یالغیز ۳۰ فایزی فعال ایدی.
اسلامی امارت سوداگرلیک و صناعت وزیرلیگی اوتگن بیر ییل‌ده ۵۰۰ میلیون افغانی درآمد قولگه کیلتیرگن دیر.
