اسلامی امارت مقاملری نینگ ایتیشلریچه، هلمند ولایتی کجکی سوو توغانی نینگ برق تولید قیلیش ظریفتی کیله‌سی ییل نینگ حمل آیی‌ده یوقاری کیته‌دی.
اسلامی امارت سوزلاوچی‌لری نینگ اورین‌باسرلریدن بیری انعام‌الله سمنگانی، تویتر صحیفه‌سیده یازیشیچه، رئیس‌الوزرا ایکنچی اورین‌باسری عبدالسلام حنفی ییتکچیلیگیده اقتصادی کمیسیون کجکی سووتوغانی برقی نینگ هلمند و قندهار گه انتقال بیریش اوچون تیزلیککه برقی وسیله‌لر ساتیب آلینیشی گه قرار قیلینگن.
بیزلرنینگ فیسبوک صحیفه‌میزگه باش اورینگ!
سمنگانی نینگ کوپه‌یتریشیچه،کجکی سووتوغانی نینگ ایشی نی دوامی بار و کیله‌سی ییل نینگ حمل آیی‌ده اوشبو بند نینگ برق ایشلب چیقاریش ظرفیتی ۱۵۰ میگاوات گه کوپه‌یشی ممکن.
سمنگانی گه کوره، کجکی سووتوغانی نینگ، برق ایشلب چیقاریش ظرفیتی آشگن صورتده، مملکت جنوبیده‌گی سوداگرلر و یشاوچیلر اوشبو برق دن فایده‌لنه‌دیلر.
کجکی سوو توغانی، مملکت جنوبیده جایلشگن ولایتلرنینگ ایکینچیلیک سوو و برقی نی تأمین قیله‌دیگن مهم بندلردن بیری دیر که حاضر ۵۱ میگاوات برق انرژیسی تولید قیلیش قابلیتی گه ایگه.
