هلمند ولایتی نینگ تورلی تومن‌لریده، وبا یا-ده (AWD) گه چلینگن کسل‌لر سانی آشیب و حاضرگه قدر ۱۴ کیشی نینگ قربان بولیشی گه سبب بولگن. شونینگدیک بو کسللیککه چلینگنلر، تومن‌لرده‌گی ساغلام مرکز‌لر گه علاوه بُست ولایتی کسلخانه‌سی گه هم یوباریلگنلر.
مذکور کسل‌خانه گه باشقه کسل‌لیکلر گه علاوه، وبا گه اوخشش کسللیککه چلینگنلر هم کوپ میزان‌ده مراجعت قیله‌دیلر.
شونده‌ی بیرحالده، کسل‌لر رقمی کوپه‌یگنی باعث، بُست کسلخانهسیده چادرلر و کانتینرلر قوریلیب، مخصوص اورین‌لر یره‌تیلگن.
بیزلرنینگ فیسبوک صحیفه‌میزگه باش اورینگ!
عین حالدده، عایله اعضالری‌دن بیر قنچه‌سی بو کسللیککه چلینگن، ناوه و نهرالسراج تومن یشاوچیلریدن بیری عبدالعزیز نینگ ایتیشیچه: «نهرالسراج تومنیدن کیلگنمن، بیر قیز و ایکی اوغلیم بو کسللیککه چلینگن، کیاویم هم شو کسللیککه چلینگنی باعث نیچه کون ایلگری بستر بولگن ایدی.»
شونینگدیک عبدالبصیر نینگ ایتشیچه: «آته‌م کسل، اوتکن کون اونی ایسیق اورگن ایدی، قیشلاق‌ده بیر قطاری باله‌لر و اهالی بو کسللیککه چلینگن.»
هلمند ولایت اخبارات و مدنیت باشقیرمه‌سی نینگ اخبارات آمری مولوی محمدقاسم ریاض بو کسللیککه چلینگنلر رقمی کوپه‌یگنینی تصدیق‌لب، ساغلیک خذمت‌لری اولر گه ییتیشتیریلماقده دیب ایشانچ بیره‌دی.
اونگه کوره، حاضرگه قدر بو ولایت‌ده ۲ مینگ کیشی مذکور کسللیککه چلینگن و بو جمله‌دن ۱ مینگ و ۱۰۰ کیشی باغران تومن یشاوچیلری دیر.
شونینگدیک مولوی محمدقاسم ریاض بو کسللیککه چلینگن‌لردن ۱۴ ته‌سی نینگ جان بیرگنی نی بیللی قیلگن.
بیزلرنینگ توییترده هم تعقیب قیلینگ!
اونینگ کوپه‌یتیریشچه: «باغران تومنی نینگ گری منطقه‌سیده ۱ و بیر یوز کیشی بو کسللیککه چلینگن بو جمله‌دن ۱۴ کیشی جان بیرگن، هلمند ولایت بویلب چلینگنلر سانی کمیده ۲ مینگ کیشی‌گه ییتیشه‌دی.»
جناب ریاض نینگ ایتیشیچه، تورلی تومن‌لرده دارو، آگاه‌لنتیریش تیملر و سیار ساغلام مرکزلری ییتیشتیریلگن و حاضر شرایط باشقریلماقده.
دیمک وبا گه اوخشه گن اوشبو کسل‌لیک هلمند ولایتیده قوشیمچه بیر قنچه ولایت‌لر اینقسه زابل ولایتیده هم کوپه‌یماقده دیر.
