هلمند ولایتی‌ده خصوصی بیلیم یورت طلبه‌لری نینگ ایتیش‌لریچه، اقتصادی قیین‌چیلیک و قشاق‌لیک باعث، تحصیل قیله‌آلمه‌گنلر. شونده‌ی بیرحالده، خصوصی بیلیم یورت مسئوللری نینگ ایتیش‌لریچه، امکانیت‌لری باریچه اقتصادی قیین‌چیلیگی بولگن طلبه‌لر بیلن همکارلیک قیله‌دیلر.
هلمند‌ده خصوصی بیلیم یورت‌لر نینگ شرعیات فاکولته‌سیده‌گی طلبه‌لردن بیری سمیع‌الله صمیم نینگ ایتیشیچه، قشاق‌لیک، ایش‌سیزلیک و اقتصادی قیین‌چیلیکلر باعث، ۸-سمسترده تحصیل‌نی ترک قیلیش گه مجبور بولگن.
بیزلرنینگ فیسبوک صحیفه‌میزگه باش اورینگ!
اونگه کوره، حاضر ایسه بیر ییل «تأجیل» آلگن، قیله آلسه درس‌لری گه دوام بیره‌دی، عکس‌حالده، آرزو هدف‌لری گه ییته آلمه‌یدی.
سمیع‌الله صمیم نینگ ایتیشیچه: «ایکی هفته آخرگی سیناولریمیز گه قالگن ایدی که بیزلر گه فیسلریمیزنی توللش‌نی ایتدیلر. بیراق پول یوقلیگی باعث، ۸-سمسترده بیلیم یورت‌نی ترک قیلدیم. تأجیل آلدیم و شونینگدیک تأجیل نینگ زمانی اوتسه ۴ ییلیم ضرب صفر بوله‌دی.»
حقوق و سیاسی علوم طلبه‌سی عبدالحلیم الهام نینگ ایتیشیچه، قشاق‌لیک و اقتصادی قیین‌چیلیک باعث، تحصیل‌نی ترک قیلیش گه مجبور بولگن.
الهام نینگ کوپه‌یتیریشیچه، تحصیلی‌نی ترک قیلیش گه مجبور بولگنیدن کیین، قیین‌چیلیکلری نی اجتماعی ترماق‌لردن اهالی بیلن شریک قیله‌ر ایکن که انه‌شوو سبب، بیلیم یورت مسئوللری اونی رایگان شکلده بیلیم یورت گه شامل قیلیب و تحصیلی نی قیته باشله‌گن.
الهام نینگ ایتیشیچه: «اولر فیس توللشیمنی ایتدیلر لیکن پولیم یوق ایدی. پول توللـه‌ی آلمه‌سم درس‌نی قویباریشیم توغری یول دیب توشیندیم. امیدسیزلیک بیلن بیلیم یورت‌نی ترک قیلدیم، عمر بویلب قیته بیلیم یورت گه کیلیشنی اویلمه‌گندیم.»
مملکت نینگ باشقه ولایت‌لری گه علاوه، شونینگدیک هلمند‌ده یشه‌یدیگن ییگیت‌لر اقتصادی قیین‌چیلیکلر و قشاق‌لیک باعث، تحصیل‌لری نی ترک قیلیش گه مجبور بولگن‌لر که بولر نینگ دلیلی بیلیم یورت‌لر نینگ فیسی یوقاری‌لیگی و ایش‌سیزلیک دییلگن.
بیزلرنینگ توییترده هم تعقیب قیلینگ!
شونده‌ی بیرحالده، هلمند خصوصی بیلیم یورت مسئوللری نینگ ایتیش‌لریچه، کوچی‌لری ییتیشگونچه طلبه‌لر گه فیس بولیمی‌ده تخفیف بیره‌دیلر.
ایتیش کیره‌ک که، هلمند ولایتی‌ده دولتی بیلیم یورت یانیده اوچ خصوصی بیلیم یورت هم فعالیت قیله‌دی که مینگلرچه ییگیت تورلی ساحه‌لرده تحصیل قیلماقده‌لر. عین حالده، اوشبو بیلیم یورت طلبه‌لری اوتمیش ییل‌لر گه قره‌گنده کمه‌یگن و ییگیتلردن قطاری اقتصادی قیین‌چیلیکلر باعث، تحصیل نی ترک ایتگن‌لر.
