پاکستان‌لیک میدیالردن بیرقطاری نینگ گزارش بیریش‌لریچه، اوشبو مملکت طب ساحه‌سیده عالی سویه‌ده تعلیم کوریش اوچون کابل‌ده خیبر بیلیم یورتی بیر بولیمینی آچیش‌نی ایسته‌یدی. گزارش‌لر اساسیده، بو مسئله خیبر طبیات بیلیم یورتی مسئول‌لری و اسلامی امارت رسمی‌لری بیلن پایله‌شیلگن.
خیبر طبیات بیلیم یورت اورین باسری پروفیسور ضیاء‌الحق، اسلامی امارت نینگ پشاور شهری ده‌گی قنسولی مسئول‌لری بیلن اوچره‌شیب ایتیشیچه، طب ساحه‌سیده عالی سویه‌ده تعلیم کوریش اوچون خیبر طبیات بیلیم یورتی نینگ بیر بولیمی کابل‌ده ایجاد ایتیلیشی، افغانستان طلبه‌لری گه کوپ قولی‌لیک کیلتیره‌دی.
بیزلرنینگ فیسبوک صحیفه‌میزگه باش اورینگ!
خیبر طبیات بیلیم یورتی اورین باسری نینگ تأکیدلشیچه، اوشبو بیلیم یورت نینگ بیر بولیمی کابل‌ده ایجاد ایتیلیش ریجه تیارلنگن و پاکستان عالی اوقوو کمیسیونی تامانیدن هم تصدیقلنگن.
باشقه تاماندن، اوشبو اوچره شووده اسلامی امارت نینگ پشاورده‌گی قنسول مسئولی مفتی نورالله، افغانستان طلبه‌لری گه تعلیم زمینه‌سی یره‌تیلیشی مقصدیده پاکستان‌دن ممنون‌لیک بیلدیریب و کیله‌جک لرده کوپراق همکارلیک بولیشینی طلب قیلگن.
اوچره شووده خیبر طیبات بیلیم یورتی اورین باسری نینگ اورغولشیچه، حاضرگی کونده مینگلب افغانستان لیک طلبه پاکستان ده درس و تعلیم کورماقده و خیبر بیلیم یورتی اوشبو طلبه‌لر گه نه فقط » MBBS, BDS» بولیم‌لریده سبق بیره‌دیلر؛ بلکه پرستارلیک، فیزیوتراپی و باشقه ساحه‌لرده کارگاه‌لرنی ایجاد ایته‌دی.
بیزلرنینگ توییترده هم تعقیب قیلینگ!
ایتیش کیره‌ک که علامه اقبال بورسیه‌سی آرقه‌لی پاکستان بارگن افغانستان‌لیک طلبه‌لردن بیرقطاری، حاضرگی کونده مذکور مملکت‌ده درس و تعلیم کوریب و باشقه بیرقطاری شخصی پول بیلن درس اوقیماقده‌لر.
