«مرکزی ۳۱۳» قول اردو اورین باسری امین‌الله طیب، سلام‌وطندار بیلن اوتکزگن صحبتیده، قربان هییت بیرمی کون‌لریده مرکزی زون اینیقسه کابل خوفسیزلیگینی تأمینلش اوچون، ۱۰ مینگ عسکر وظیفه‌لنتیریلگنینی ایتگن.
مرکزی ۳۱۳ قول اردو اورین باسری نینگ کوپه‌یتیریشیچه، اسلام امیرلیگی حاکمیتیدن کیین اولکه بویلب امنیت تأمینلنگن بولسه ده؛ بیراق هییت کون‌لریده هیچ واقعه صادر بولمسلیگی مقصدیده سعی‌وحرکت قیلماقده‌لر.
بیزلرنینگ فیسبوک صحیفه‌میزگه باش اورینگ!
جناب طیب گه کوره: «امنیت تأمینلنیشی و هیچ خوفسیزلیک واقعه یوز بیرمسلیگی اوچون بیرینچی ذی‌الحجه دن بوگونگه قدر، کابل شهری و بوتون اطرافی ده، مدافعه، ایچکی ایشلر وزیرلیک‌لری و استخبارات کوچلری شامل عسکرلر وظیفه‌لنتیریلگن.»
کابل شهری ده بیکت‌لر (ایست‌های بازرسی) سانی کوپه‌یتیریلگن و هییت کون‌لریده برچه امنیتی مسئوللر وظیفه‌لری گه حاضر بوله‌دیلر دیدی، امین‌الله طیب.
مرکزی ۳۱۳ قول اردو اورین باسری نینگ کوپه‌یتیریشیچه: «کابل شهری خوفسیزلیگی تأمینلنیشی اوچون اسلام امیرلیگی نینگ ۱۰ مینگ عسکری وظیفه‌لنتیریلگن و اولر تون_کون وظیفه‌لری گه حاضر بوله‌دیلر، بوتوغریده هیچ قنده‌ی تشویش یوق و اولکه یشاوچیلری گه هییت کون‌لرینی خاطر جمع‌لیک بیلن اوتکزیش‌لری گه ایشانچ بیره‌من.»
امین‌الله طیب، خوفسیزلیک تأمینلنیشی اوچون یشاوچیلر نینگ همکارلیگیدن منتدارلیک بیلدیریب ایتیشیچه، یشاوچیلر دایمی روشده امنیتی نهادلر بیلن همکارلیک قیلماقده و یشاوچیلر نینگ همکارلیگی بولمه‌گن تقدیرده، امنیتنی تأمینلش قولی ایمس.
بیزلرنینگ توییترده هم تعقیب قیلینگ!
اونگه کوره، نیچه کون آلدین یشاوچیلر پل‌چرخی منطقه‌سیده شبهه‌لی کیشی‌لر نینگ فعالیتیدن خبر بیریب و امنیتی کوچلر نینگ اقدامی بیلن اولر قولگه آلینگن.
خوفسیزلیک تأمینلنیشی یشاوچیلر نینگ دایمی خواطرلریدن بولگن بیرحالده، امنیتی نهادلر خوفسیزلیک تأمینلنیشیدن خبر بیرماقده‌لر.
