نیچه کون قربان هییت بیرمی گه قالگن، بیراق کابل شهری و بازاری اوتگن ییل‌لر گه نسبتن اوز توسینی قولدن بیرگن. کابل شهری ده‌گی دکاندارلر نینگ ایتیشلریچه، اوشبو ییل سودالری کوزگه کورینرلی درجه ده کمه‌یگن.
کابل ده‌گی دکاندارلردن بولمیش یار سعید نینگ ایتیشیچه: «اوتمیش گه ییل گه نسبتن بو ییل بازار ضعیف، هر ییلی احوال یامانلشماقده مردم نینگ احوالی ضعیف دیر، اوتگن ییل گه قره‌گنده سودامیز ۵۰ فایز کمه‌یگن.»
بیزلرنینگ فیسبوک صحیفه‌میزگه باش اورینگ!
کابل شهری ده دکاندارلردن باشقه بیری اصیل احمد گه کوره: «اوتگن ییل‌لرده قربان هییت بیرمی گه ۱۰_۱۵ قالگنده ایدی، اهالی شوق و ذوق بیلن سودا قیلر ایدیلر، بو ییل ایکی کون هییت بیرمی گه قالگن، کیلیب کوره‌دیلر بیراق سودا قیلیشمه‌یدی.»
تخمیناً ۱۱ آی آلدین افغانستان ده ییریک سیاسی و حربی اوزگریش دن سونگ قربان هییت بیرمی عرفه‌سیده قرار تاپگن میز، اوشبو اوزگریش مملکت یشاوچیلریدن بیر قطاری نینگ اوستیگه سلبی تاثیر قیلیب و اقتصادی قیینچیلیکلر گه روپه‌ره قیلگن.
کابل یشاوچیلری نینگ ایتیشلریچه، اقتصادی قیینچیلیک باعث اوتگن ییل‌لر کبی بو ییل قربان هییت بیرمی ده سودا قیله آلمه‌یدیلر.
بیزلرنینگ توییترده هم تعقیب قیلینگ!
کابل شهری یشاوچیسی عبدالحمید حکیمی نینگ ایتیشیچه: «هییت بیرمی دن نشانلش اوچون اهالی روحیه‌سی ضعیف، آدم‌لر نینگ اقتصادی ضعیف و ایش‌سیزلیک اوز اوجی گه ییتگن و اهالی هییت نی اساسی شکلده نشانله آلمه‌یدیلر.»
عین‌حالده، مملکت بویلب اسلامی امارت حاکمیت نی قولگه آلیشی و دنیا بویلب سونگی اوزگریش دن کیین، اولکه بازارلریده ییگولیک ماده‌لر نرخی مثل‌سیز درجه ده آشیب و اهالی نینگ سوداسی اوستیگه سلبی تاثیر قیلگن.
