اسلامی امارت یوکسک اوقوو وزیرلیگی نینگ سرپرستی عبدالباقی حقانی نینگ اعلام قیلیشیچه، دولتی بیلیمیورتلر ایسیق منطقهلرده اوچ کون گچه ( چهارشنبه ۱۳ دلو) طلبهلر یوزیگه آچیلهدی.
حقانی جنابلری اوتگن کون بیر تصوری نوارده ایتگن ایدی، دولتی بیلیمیورتلر ایسیق منطقهلرده ۷ حوت گه آچیلهدی. اونینگ ایتیشیچه، بیلیمیورتلر آچیلیشی بیلن سمسترنی تکمیل قیلیش اوچون اوچ هفته درس بیریلهدی.
یوکسک اوقو وزیرلیگی نینگ کوپیتیریشیچه، ایسیق منطقهلرده سیناولر ۷ حوت باشلنیب و شو آی نینگ اخریگچه توگیدی و ایسیق منطقهلرده ینگی سمستر نینگ باشلنیش تاریخی ۱۴۰۱ ییل ۱ حمل گه باشلنهیشی ممکن.
بیزلرنینگ فیسبوک صحیفهمیزگه باش اورینگ!
یوکسک اوقو وزیرلیگی نینگ کوپیتیریشیچه، ساووق منطقهلر تجدیدی سبقلر اوچ هفته دیر ۷ حوت باشلنهدی . اونینگ ایتیشیچه، بو منطقهسیناولری ۱ حمل ده باشلنهدی حقانی ساووق منطقهلرده ینگی سمستر نینگ باشلهنیشی تاریخی نی ۱۴۰۱ ییل ۲۷ حمل اعلام قیلگن.
عبدالباقی حقانی نینگ ایتیشیچه، ینگی طلبهلرنی رویخط گه آلیش هم سیناولر جریانیده صورت تاپیشی ممکن.
او بیلیمیورتلرده قولیلیک یرهتیش اوستیگه تاکید قیلگن، بیراق قیز طلبهلر نینگ بیلیم یورتده قندهی حضور تاپیشی توغریسیده هیچ نرسه دیمهگن.
مکتبلر و بیلیمیورتلرگه خاتین قیزلر نینگ حضور تاپیشی عیاللر و خلقارا تشکیلات نینگ ایستکلریدن دیر، بیراق اسلامی امارت حکومتی نینگ خاتین قیزلرگه تعلیم آلیش اوچون زمینه یرهتیشی بیلی ایمس
بیزلرنینگ توییترده هم تعقیب قیلینگ!
عینحالده دولتی و خصوصی بیلیمیورتلر نینگ ایشیگی اسلامی امارت حاکم بولمسدن آلدین کرونا ویرسی ترقلگنی سبب باغلنگن ایدی. بیراق اسلامی امارت افغانستانده حاکم بولیش بیلن خصوصی بیلیمیورتلر ۱۵ سنبلهده آچیلدی، بیراق دولتی بیلیمیورتلر ایشیگی حاضرگچه طلبهلر یوزیگه یاپیق قالگن.