هفته‌لر میش_میش‌لردن سونگ، بری_بیر بوگون «دین عالم‌لری بویوک ییغینی» اوتکزیلیش تاریخی، اسلامی امارت تامانیدن اعلام بولدی. کابل لویه جرگه خیمه‌سیده مطبوعاتی ییغینده اشتراک ایتگن باش وزیر نینگ ایکینچی اورین باسری عبدالسلام حنفی، «دین عالم‌لری بویوک ییغینی» اوتکزیلیش تاریخینی ایرته «پنج‌شنبه، ۹ سرطان) اعلام قیلدی.
جناب حنفی اوشبو مطبوعاتی ییغینده ایتیشیچه، مذکور ییغین اعضالری افغانستان خلقی‌دن نماینده‌لیک قیله‌دیلر. اونگه کوره، دین عالم‌لری، آق‌سقاللر، افغان ییریک شخصیت‌لری و قوم نخبه‌لری، ایرته پنج‌شنبه اوتکزیله دیگن ییغینده اشتراک ایته‌دیگنلردن عبارت دیر.
عبدالسلام حنفی نینگ ایتیشیچه: «عالم‌لر ییغینی ایکن‌لیگینی بیله‌سیزلر و بو ییغینده باشقه‌لر هم اشتراک ایته‌دیلر، انشاء‌الله مذکور ییغینده اشتراک ایته‌دیگنلر افغانستان بوتون خلقی دن نماینده‌لیک قیله‌دیلر.»
بیزلرنینگ فیسبوک صحیفه‌میزگه باش اورینگ!
برچه‌سی بیلن، بشر حقوقی کوزه‌تیش تشکیلاتی نینگ اورین باسری هیدربار سلام‌وطندار بیلن اوتکزگن صحبتیده ایتیشیچه، بو ییغین سیاسی و خاتین قیزلر اشتراک ایتمسلیگی و همه شمول بولمسلیگی باعث نتیجه بیرمه‌یدی. هیدر بار نینگ کوپه‌یتیریشیچه، اسلامی امارت اوشبو ییغین اوتکزیلیشینی مشروعیت تاپیش اوچون اونملی بیله‌دیلر؛ بیراق دین عالم‌لری نینگ ییغینی، اسلامی امارت نینگ مناسبتی اوستیگه هیچ قنده‌ی تاثیر قیلمه‌یدی.
بشر حقوقی کوزه‌تیش تشکیلاتی نینگ اورین باسری هیدربار گه کوره: «اسلامی امارت بو ییغین‌نی مشروعیت تاپیش‌لری اوچون اونملی بیله‌دیلر، بیراق اوشبو ییغین نتیجه بیرمسلیگی ممکن، چونکه همه شمول ایمس، سیاسی‌لر و خاتین قیزلر اشتراک ایتمه‌یدی. خاتین قیزلر جماعه نینگ یریم نفوسینی تشکیل بیره‌دی، بو ییغینده اصلا شامل ایمس.»
شو بیلن بیرگه، اروپا اتفاقی پارلمان اعضالریدن بولمیش هانا نیومن اوز توییتری ده یازیشیچه، خاتین قیزلر حضوری بولمه‌گن ییغین‌نی مشروعیتی یوق دیر.
بیزلرنینگ توییترده هم تعقیب قیلینگ!
باشقه تاماندن، عیاللر حقوقی فعاللریدن بیری مونسه مبارز مذکور ییغین اوتکزیلیشی گه مناسبت بیلدیریب ایتیشیچه، قطار دین عالم‌لر نینگ منفعت و فکر_ملاحظه‌لری بیر بولیش اوچون بو ییغین گه مشروعیت بیرگنلر. اونینگ ایشانچی گه کوره، همه شمول بولمه‌ی و برچه نینگ نظری و توشینچه‌سی نظرگه آلینمه‌گن ییغین‌نی مشروعیتی یوق دیر. اونگه کوره: «بو جرگه مهم و ارزشلی جرگه ایمس، مهم قرار آلینمسلیگی ممکن، بو جرگه بیلن نه فقط ایچکی مشروعیت تاپمه‌یدیلر بلکه خلق‌ارا مشروعیت تاپه آلمه‌یدیلر، قطار ملالر نینگ فکر و نظری بیر بولگنی اوچون اوشبو جرگه گه مشروعیت بیرگنلر.»
ایتیش کیره‌ک که، دین عالم‌لری نینگ بویوک ییغینی ایرته پنج‌شنبه افغانستان بویلب ۳۰۰۰ مینگ دین عالمی اشتراکی بیلن لویه جرگه خیمه‌سیده اوتکزیله‌دی. بیراق مذکور ییغین اصلی مقصدی حاضرگه قدر نامعلوم قالماقده.